الرأفتانى فى الغرام

اخوكم فى ملاعب العواطف والغرام عامل زى الضيف احمد فى حلبات الملاكمه والمصارعه وزى هشام يكن فى ملاعب الكوره ومحمد رضا فى سباق 100 متر حواجز.. وعندما تأتى الى الحديث مع الصنف الناعم.. اخوكم بيحدف دبش عند الكلام فشر اطفال الانتفاضه او اولاد الحاره لما كانوا بيجروا وراء كلب جربان ففى احدى الصولات الغراميه..كانت فى بنت ايطاليه جميله ..صاروخ فشر صاروخ شهاب 2 الايرانى.. واخوكم نازل نظرات لمده شهر كافلاطون.. البنت اتخنقت منى وقالت ابوالهول ده هينطق امتى وجاءت فى يوم وقالت لى تحب تتعشى معاياه فقلت طبعا طبعا.. وفى اليوم الموعود اخوكم لبس على سنجه عشره وكبييت على نفسى جردل كولونيا واخدت زجاجه تانيه فى جيبى.. بأقيت ماشى فى الشارع كأنى محل عطور متنقل..وروحنا المطعم .. وكان مطعم يونانى هنا فى نيويورك.. المزيكا حلوه والنور هادئ.. وقمر قاعد على الناحيه التانيه من الترابيزه والعبد لله قاعد ما تقولش قالب طوب.. القمر يلاغى وويتكلم واخوكم قاعد فى نصف هدومه زى بنت بنوت.. ومنذ هذا اليوم اللعين وانا بطّلت اروح مطاعم هاديه تانى.. انا شكيت ان الجو الهادى ده هواللى سّبب سد الحنك وفى جوله غراميه تانيه ايام ما كنت فى مصر تقريبا فى اولى ثانوى..عملت فيها روميوبتاع العصر الجديد اللى مابيكتبش جوابات وروحت عامل شريط عاطفى.. ع الاقل فى نظرى انا كان عاطفى.. وارسلت الشريط للحبيب ..وعرفت بعدها بكذا يوم من واحد صاحبى ان( هناء) راحت المستشفى من القرف فى صولات تانيه مسخره.. بس خلى الطابق مستور

30 comments:

عمر said...

أنا شايف ان الأستاذ الرأفتاني سايب شغله وقاعد يكتب في السياسة والعواطف وحاجات كدة

وما زالت الجماهير تنتظر الجزء الثالث من الأغاني للرأفتاني

لكن علي رأي المثل القائل: يا تري الرأفتاني اتأخر ليه؟ قال زمانه جي هو حيروح فين يعني

الأغاني للرأفتاني said...

اسكت ياض يا عمر دا انا لقيت كنز اغانى واحده منهم اسمها العنب.. والمطلع بتاعها عن الحشيش.. واغنيه تانيه فى معناها ان الحبيب وحبيبته بيأكلو غرام بس.. مش عيش وفشه وكلاوى زينا..

عمر said...

فشة وكلاوي؟ انت متأكد انك في نيو يورك؟ شكلك بتشتغلنا

عالعموم هات اللي عندك يا معلم

بلاها مذاكرة بلا كلام فارغ.. شاكلنا ضايعين ضايعين السنة دي

الأغاني للرأفتاني said...

انا ما فتحتش كتاب من اسبوعين ..ز
بس البوست ده مش غرام ولاحاجه .. اقراه وانت تضحك.. وانت مش ناوى تيجى تزور نيويورك

عمر said...

والله نفسي، بس ضميري ناقح عليها اليومين دول وعايز اتنيل أذاكر زي ما العالم كلها نازلة مدح هنا.. الله يخرب بيوتهم، مابيعتقوش يا معلم

أنا رايح أوماها-نبراسكا في الثانكسجيفينج، بس عايز بخطط اخطفلي ويك اند في نيو يورك قريبا

الأغاني للرأفتاني said...

البيدا
الشريط انا معملتوش بنفسى.. كان فى راجل بتاع كاسيت بيعمل كوكتيلات جاهزه وبيبعها جاهزه كده.. انا روحت اخترت شريط عليه واد وبنت ماسكين ادين بعض ومكتوب عليه" مجموعه من الاشراقات الاولى" انا قلت هو ده.. واكتشفت بعدين ان اول اغنيه عليه " انا كنت عيدك" بتاعه على الحجار واللى بعدها علطول "حاضر" بتاعه محمد فؤاد.. يعنى اللى عمل الشريط كان ناوى شر من الاول

^ H@fSS@^ said...

looooooooooooooooooool. maotini min elde7k ya raffat, to7fah, looooooooooooooooooooool

salam

الأغاني للرأفتاني said...

حفصه
انا اللى تحفه ولا الكتابه...
الله يسامحك..ههههههه

^ H@fSS@^ said...

both of u , enta and what u wrote, am still laughing and imagining how did the whole situation looked like.

Anonymous said...

تعالى يا رأفت يا ابنى وانا اعلمك ازاى متبقاش بروطة كدة
كدة مش كويس على صحتك
ولا على عقلك الباطن على راى الست زينات صدقى


اختك موسوعة فى العواطف
ههههههههههه

الأغاني للرأفتاني said...

شهروزه:
بروطه..هههه..بروطه دى لوحدها عايزه قصيده.. بوظتوا اللغه العربيه ربنا ينتقم منكم ..

الأغاني للرأفتاني said...

Ironcobra40
لزمته ايه بس السيحان يا عم الحاج.. ما هى العمليه متقضيه من غير عواطف.. ربنا بيرزق برده.. فى حريم ملوش فى الكلام برده.. ارزاق

بس ايه رايك فى اغنيه العنب

الأغاني للرأفتاني said...

Ironcobra40
اشك ان بعروره يعرف الاستلا.. لانها بالنسبه له رفاهيه.. بعروره شكله طاحن برشام صارصيرو ضارب عليه شويه كولّه وتِنر.. وخالطهم مع زجاجه توسيفان... وبعد الخلطه دى.. بعروره مأجر واحد ماسك جزمه من بتوع الجيش ونازل ضرب على دماغ بعروره وهو بيغنى..هو ده العذر الوحيد للصوت بتاع بعروره

انحلت سيور العربه وسقط المهر من الاعياء said...

ههههههههههههههههههه
جيتك يا عبد المعين تعنى لقيتك يا عبد المعين عا وز تنعا ن يخرب بيت عقلك يا ض كا نى انا اللى كا تب الكلا م يا زمل متعرفش حته نتعلم فيها
هههههههههههه
تحيا تى

الأغاني للرأفتاني said...

الجحيم هو الحقيقه
سيّحوا سيّحوا.. وانت يا عم الجحيم كنت عاوزنى اعينك على ايه.. قالوا لك على يثينه كامل ولا بابا شاور..
بأولك صاروخ ايطالى يا عم الحاج

الأغاني للرأفتاني said...

Ironcobra40
يا ميت خساره عى الحلو لما بتهدله الايام.. معلهش الجواز علينا حق..
اديك شوفت لك يومين قيل الزاوج.. وبرده الامر مايسلمش.. تعك هنا شويه وتبص بصه بتاع.. اى الامور تمشى

الأغاني للرأفتاني said...

Ironcobra40
يا عم هو احنا هانفتح برنامج اسرتى.. بس بجد.. ربنا يهنيك.. ابعد بأه عن المنطقه الوعره اللى احنا فيها هنا دى.. بأحدف دبش يا عم

الأغاني للرأفتاني said...

Ironcobra40/Albida
ممكن حد يبعتى لى اسامه منير ده علشان انزله مع اغنيه العنب العدد القادم.. وان شاء الله شكلها هتبقى اخر اغنيه عربى اسمعها

الأغاني للرأفتاني said...

شكرا يا منال ع اللينك
فعلا اسامه ده شكله رخم اوى.. بس لازم اسمع الاغانى بتاعته.. وبعدين شكله كده دفعت محرم فؤاد.. يعنى من نفس العينه.. المفروض يروح يحج ويتوب

عمر said...

تخيل يا رأفتاني من كتر رخامة الراجل دة، عمل أغنية بتقول "حغنيلك وححكيلك وحشكيلك..." يعني البنت أساسا شكلها منفضاله تنفيضة سودة ودة بعيد عنك ما عندوش ريحة الدم وعنده إصرار غريب علي إنه يغنيلها ويحكلها بالعافية لدرجة إيه في آخر الأغنية ابتدي يشحت ويقطع في هدومه ويقلها "لملميني..." ما هي الأشكال دي اللي بتخلي البنات تتعقد وتطفش مننا

الأغاني للرأفتاني said...

يا عمر
والنبى لو تعرف تبعت الاغنيه دى.. ابعتها علشان اسمعها.. البوست اللى جاى شكله كله اغانى مسخره والعياذ بالله

عمر said...

حادور عليها... أكيد موجودة عالنت في مكان ما

ولتحيا المسخرة

عمر said...

http://song4.6arab.com/osama-moneer_haghanelek.rm

اللنك يا ريس وأي خدمة

الي ييجي منك كويس، كلك ذوق يعني

الأغاني للرأفتاني said...

عمر
حتى اللينك اللى انت باعته رخم
ابقى تعالى بكره.. انا بافتح بدرى هاديك عسليه وملبن

عمر said...

تصدق أنا غلطان؟ ابقي شوف مين حيجيبلك لينكات الأغاني الهابطة بعد كدة

بقي أنا ناقع الكركديه من الصبح وانت تقولي عسلية؟

الأغاني للرأفتاني said...

Ironcobra40
انت فين يا عم.. وصلت الساحل الشرقى ولا لسه؟
شكرا ع الاغانى الهابطه.. اسكت مش واحد اسمه سعد الصغير ناوى ينزل اغنيه اسمها السمك السمك السمك.. لانه بيقول ان بعروره سرق منه اغنيه العنب العنب العنب

الأغاني للرأفتاني said...

حمد لله ع السلامه
نورت ال
east coast

Yasmine Adel Fouad said...

الله عليك يا بطل
كده تكسفنا بره
يعنى البنت تقول عى ولاد مصر ايه دلوقتى
ضربت السياحة انت كده
منك لله هى ناقصة

عموما انت لازملك دكتور نفسانى زى عبد المنعم مدبولى يمشيك على جملتين

انا مش بنت بنوت انا اسد مغوار و انت هتوصل يا ابنى و هتدعيلى

او اقولك فؤاد المهندس كان ماشى بخطة لولبية
تمشى وراء الواحده و تروح قايل
بوز جزمتك بيعكس انوثة ضاغية
بس ترجمها بقى الاول مش تقولها كده بالعربى
او اقولك قولها بالعربى علشان يبقى فى suspense

هههههههههه

صحيح
البنت اللى بعتلها الشريط مارفعتش عليك قضية تعويض ليه
دى كانت مضمونة يا معلم

الأغاني للرأفتاني said...

انا حره
الله ينتفم منك يا شيخه انتى كمان زى ماانتى قاعده تسيحى كده..
ماردوده لك ان شاء الله .. ما تقلقيش
وايه حكايه فؤاد المهندس وعبد المنعم مدبولى معاكى..

Memo said...

مالكش في الكلام
عوض عليه يا رب
تحياتشي