Wednesday, June 30, 2010
Friday, June 25, 2010
حُريّه مصنوعه فى مصر
(1)
حريه مصنوعه فى مصر
م الكستور وبخيط ومقص
بالتفصيل على قد مقاسك
يالا تعالى وخش وبص
(2)
معمــوله بإيدين مصريه
أمن الدوله مع الداخلـيــــه
أنعم من ريش النعــــام
اوحتى هدومــك الداخليــه
وهتدلع فيهـا براحتــــك
فشر القفطـــان والجلابيــه
(3)
والتغليــف بأه آخر موضه
لو فيه غلطه مهيش مقصـــوده
لو مكســوف تقلع من نفســـك
بدل الزنزانــه فى أوضـــــه
(4)
قرّب شجّــع صُنع بلادك
وإعمل خير يقعد لولادك
منتج مشهـــور له بالجوده
من أيام ثورة أجـــدادك
(5)
ما تبصش لصناعة بره
دا احنا شعـــارنا مساجين حُره
دستور إيه وحقوق إنسان
راح تتلخبط ملـــيون مره
Wednesday, June 16, 2010
من أجل حق أدنى عادل للأجور
(1)
من أجل نسمة حق
فى حر المظــالم
من أجل صرخه رفض
فى وش اللى ظالـــم
ولقمة عيش يدوب
تكفى اليوم وبكره
نقول يا عــالم
(2)
واقفــين على رصيف العدل
مش عاوزين قصــور
ولا مـراكب من دهــب
عايمــه فى بحــــور
وبدون مزايده او مبايعه او غرور
يدوب بنطلب حقنا
فى حد أدنى عادل للأجـــور
(3)
من أجل ما نملى السما أفراح ونــــور
هنكسر السلال والقيود والجسور
وهتضحك المصانع
للعامل اللى صــانع
وتفرح الشوارع
للفلاح اللى زارع
وهيكون الهلاك
مصير كل اللى بايـــع
*************
نيويورك – 10 يونيو 2010
Wednesday, June 09, 2010
FIFA World Cup- كأس العالم لكرة القدم
هذه هى المره الاولى التى اشعر فيها اهتمام الشعب الامريكى بفاعليات كاس العالم التى سوف تقام خلال يومين فى جنوب افريقيا. كانت بدايه كره القدم مع الشعب الامريكى عندما استضافت الولايات المتحده كاس العالم عام 1994. شعبيه كره القدم هنا ليست على نفس الدرجه مقارنه بباقى دول العالم. اللعبه الاكثر شعبيه هنا هى كره القدم الامريكيه كره القدم الامريكيه ثم البيسبووكره السله والهوكى
سوف تذاع جميع مبارايات البطوله هنا على القنوات الرياضيه الشهير كالاى اس بى ان بالاضافه الى الراديو
يوجد اعلانات للبطوله فى جميع المحلات الرياضية والميادين العامه. مجموعه الصور الموجوده فى هذا البوست موجوده فى مبنى تايم ورنرو فى ميدان كلومبس سيركلالشهير ونفس الصور واللوحات موجوده فى معظم محطات المترو والمواصلات العامه
Wednesday, June 02, 2010
تعليق البرادعى على أسطول الحرية وغزة
هذا هو رد فعل الدكتور محمد البرادعى على الجريمة الإسرائلية بخصوص اسطول الحريه لغزه. وفى هذا الفديو أيضا رأى البرادعى فى السلام الإسرائيلى
محدش هيحل لى مشكلتى. لازم نحل مشاكلنا بإيدينا