Tuesday, July 01, 2008

تعليقات المدونات ورحله البحث عن المجهول

انه لحدث اعظم من الفتوحات والغزوات ان يوفقك الله وان تسطيع ان تترك تعليق فى مدونه ما. فاليوم معظم المدونات يطلبون منك من المطالب ما تنوء به العصبه اولى القوى. بعد قراءه بوست اعجبك او لم يعجبك وتود ان تبدى رأيك فى هذا البوست تذهب لمكان ترك التعليقات وهنا تبدأ رحله العذاب والبحث عن المجهول . فى الايام الخوالى- كان المطلوب منك هو فقط وضع اسم المستخدم الخاص بجوجل وكلمه المرور وممكن ان تترك التعليق كمجهول- اما الآن فلابد من وضع الآتـــى
  • اسمك
  • عنوان مدونتك
  • ايميلك
  • Word Verification
  • Math Question

وكان ناقص يقولك تاريخ ميلادك ورقمك القومى والحاله الاجتماعيه والفيش والتشبيه بتاعك

يعنى من الاخر .. لو كنت ناوى تسيب تعليق - خد اجازه يوم من الشغل وودى العيال وامهم عند نسايبك

ده بالاضافه الى رساله موجهه من صاحب المدونه عن نوعيه التعليق الذى يرغب فيه
يعنى مدون يقولك .. هذه مدونه نظيفه وواحد يقولك هذه مدونه بيضاء واخرى سوداء واخر يقولك انا لن اسمح بنشر هذا النوع من التعليق الذى يسيئ الى هذا او ذاك. وآخر عاوز تعليق باسـتك من فوق بس من غير تلبيسه
ومدونات اخرى لابد ان يقرأ صاحب المدونه التعليق اولا قبل نشره فشر ممتاز القط وجماعات الامر بالمعروف
لنفرض مثلا ان شخص ما.. علق تعليق خادش للحياء -هههههه- فباستطاعه صاحب المدونه ان يمسح التعليق فى ثانيه
ولنفرض مثلا ان شخص ما.. ترك تعليق غبى ينم عن جهل عميق .. المفروض صاحب المدونه ان يترك التعليق الغبى حتى يعرف الناس غباء كاتبه
ولنفرض ان شخص ما شتمك تحت اسم مجهول- فهذا يدل على ضعف الشخصيه وتفاهه الهدف
نحن نرغب فى الحريه فى مجالات عده - ولكننا لا نستحقها ما دمنا لا نقبل الرأى الاخر مهما كان غباؤه وجهله

15 Comment:

Iron Cobra said...

هةهةهة الله يحظك يا رأفت دماغك ودماغي على نفس الموجة، كنت كاتب حاجة زي كدة في أول بوست ليا في المدونة بتاعتي في الجراند أوبننج بالأضافة لأني دخلت في كام نقاش كدة مع ناس في مدوناتهم باحاول أوضحلهم اللي انت قلتة دة.
تسلم أيدك يا مان أحنا بنطالب بالحرية وأحنا مانستحقهاش لأننا أول ناس جوانا ديكتاتوريين صغننين.

Anonymous said...

well 3ashan keda i dont always sign in
batkhene2

maraditesh 3alia about helping u in the phd thing

best regards
nohaz

® رأفتـــلوجيا الرأفتانى said...

سمسم
التعليقات وغلقها والتحكم فيها هى مثال صغير لدكتاتوريه المنادون بالحريه ولو تعمقنا وبصينا لنفسنا اكثر هنلاقى حاجات اكثر من كده
زى عداء من مختلف معنا فى الديانه والشكل والرأى
طاب ازاى بتطالب بحريه اذا كنت عاوز تولع فى واحد تانى علشان مثلا شاذ او ملوش مله حتى

مش كل نفس بما كسبت رهينه.. خلاص.. كل واحد حر والحساب بين العبد وربه

بس التعليقات كان مدخل مضحك لدعاه الحريه


================
نهــــــــــاز
عندها مدونتين وعمرها ما علقت باسمها علشان مكسله تكتب اليوزر نيم والباسورد
هههههههههههه
phd in the states is different to you guys
we have books and tests and very little research
will explain to you later

Bella said...

انا بيفرسني الموضوع ده جدا

اول مالاقي مدونة فيها حكاية الوورد فريفيكيشن دي بامشي خالص

وكمان لو فيها تحكم في التعليق

الا لو لناس باعرفهم وسبق علقت عندهم

لان فيه ناس ممكن تعلق عندهم ومايتنشرش تعليقك لانك مش متفق معهم في الراي او مش من شلتهم

فيه كمان بقى حركة قلة ذوق متناهية بتحصل

تدخل تعلق في مكان وتكتب رد طويل عريض وفيه حاجات تتناقش يعني

تلاقي صاحب او صاحبة المدونة داخل يرد على اللى يعرفهم وسايب تعليقك خالص

يعني يرد على اللى قبلك واللى بعدك وانت لا

ههههههههههههههههههه

دول برضه مش بادخل عندهم تاني

الواحد مش فاضي للهم ده كله

® رأفتـــلوجيا الرأفتانى said...

Bella
انت بنفسك قولتيها .. قله ذوق .. وللاسف مفيش حل لقليل الذوق
يعنى زى انت ماقولتى..اللى بتحكم فى التعليقات والحاجات دى ..الحل بتاعه انك ما تروحيش عنده تانى.. لكن قليل الذوق اللى بيتجاهل تعليقك فهتعملى معاه ايه؟
صعب انك تعلمى الناس الذوق

لكن التحكم فى التعليقات والخنقه التانيه بتاعه اسمك وايميلك والكلام الفاضى ده فدواها ساهل انك ماتروحيش المدونه تانى

تحياتى

HafSSa said...

لا معلش
انا شايفة ان التحكم في التعليقات احيانا بيبقى مهم بالذات لمااسافل القوم من المدونين بيخشوا علينا البلوج من هنا و يقلوا ادبهم بشتايم و قلة ادب مالهاش لازمة
لكن ده ميديش لصاحب البلوج انه يمنع التعليقات فقط لانها جاية من صحابه او من اعدائه
المفروض يكبروا عن كده شوية
و بالنسبة للوورد فيريفكشين فدي فعلا حاجة رزلة انها صعبة اوي للناس اللي زيي بيلبسوا نضارات
:D

Iron Cobra said...

فاهمك أنا يا زعيم وفاهم دماغك وعارف أنك بتستخدم المثال دة اللي يبان هايف كأبسط دليل على التناقض دة من نوعية ضرب الأمثلة بطريقة الأيروني أو الكوميديا السوداء، أنما لو هنقعد نتفلسف ونضرب أمثلة فالأمثلة كتيرة والناس المسكفين (الي الحمد لله أحنا مش منهم) قطعوها مناقشة.
على فكرة نوعية الردود والتعليقات حتى الأن زي ما أنا توقعت من أصحابها، ماحدش فاجئني حتى الأن برد من الردود الستة السابقة يخلني أقول ان رأيي اللي كونتة عن شخصية صاحب الرد ماكانش في محلة.

Ahmed Al-Sabbagh said...

هههههههههههههههه

بجد بوست جامد جدا

انا بقالى كتير ما جتش عندك بس اول ما رجعت بجد لقيت بوست من العيار التقيل

عشان الموضوع ده كان بيغظنى اوى

وكتبت بوست قبل كدة عن اشهر الجمل اللى بيكتبها المدونين فوق مربع التعليق

تسلم ايديك

تحياتى

احمد

Anonymous said...

hmm
rofa fe tanakood gamed fe 7aga
fe w7aed i know for real
maby2balsh ai 7ad ye2olo nasi7a
mesh hoa bas
bardo wa7da betetla3 fe el tv we bent kateba we sha3r sure u know
lo 7ad naa7aha teshtemo

we el tani da byshtemo we ye7zef ta3li2
u know who i'm talking about

we ma3 keda all of u betet3amlo ma3ah eno fares el 7oria
and non of u comment on this issue
or know him in real to judge him fairly

..
for the phd
te7eb tyb a3mel aih?? aza3a2 lel 3aial may3melosh dawsha wenta betzakr?

yabni khalasna ba2a :p da ana men yom ma etwaladt
basma3 enak bet3ml el phd

® رأفتـــلوجيا الرأفتانى said...

حفصه
يعنى هى الشتيمه بتلزق يا حفصه..هههههه.. ماهو الاهبل االى كان بيخش يلوش عندك الناس كلها عارفه انه اهبل..بس زى الافعى الحديديه ما قال.. موضوع التعليقات كان مثال على دكتاتوريه بعض المدونين فى قبول ارآء اخرى وديانات اخرى..
ده كان قصدى
======

سمسم

هههه..حلوه اوى موضوع الكوميديا السوداء..وفعلا .زالناس اللى سابت تعليق هنا لحد دلوقت من اصحاب العقول المستنيره.. يعنى احرار كده احرار.
======
احمد الصباغ
عامل ايه؟ عارف انك مشغول بموضوع الصالون
تحياتى
========
المجهول اللى انا عارفه
I really dont know the 2 people you gave example of. but anyway, your point agrees with my post. all I am asking for is to accept everyone no matter what. we are talking about freedome day and night and the simple thing like a comment we dont accept. do we really deserve this freedome??? Hell NO

I will tell you about the Phd when i catch you on Yahoo

Iskanderani said...

مساء الفل رأفت
هي ياعني جت علي التعليقات والتحكم فيها ... أيه ياعم الحلاوة دي... الناس برضة تتعلم شوية دكتاتورية مع الريموت كونترول وتشوف البرامج الصح في التعليق...علشان هم ماتعلموش حاجة تانية ...إما انت معي أو أنت معى لا فرق ..أنا عايز أسمع فقط التصفيق

تحيات إسكندراني في بلاد الله الواسعة

® رأفتـــلوجيا الرأفتانى said...

اسكندرانى
عامل ايه يا ستاذ
التعليقات ما هى الا مثال من امثله عده على الدكتاتوريه الصغير لدعاه الحريه
معلش اسبانيا سرقت الكاس منكم
هههههه

Iskanderani said...

مساء الفل يا أستاذنا رأفت؛
أنا الحمد لله كله عندنا فل الفل وأجازات الصيف علي الابواب والسنة دى طالبة الحر والبحر يعني البحر الاحمر و يالا علي سفاجة ..... لممارسة الغطس والتمتع بالشمس . بالنسبة لكأس أوروبا أسبانيا كسبته بمجهود ولعب تفوق علي المانيا ... يعني أستحقت الكأس .... وكلنا منتظرين كأس العالم بعد سنتين . دمت بصحة جيدة ودام التواصل والمودة

تحيات إسكندراني في بلاد الله الواسعة

Summer said...

Raafat, thank you for coming by my blog, reading and leaving a nice comment! i have to go back to both your blogs and read them both...nice ones you have here. inshallah Ramadan Kareem 3alaik wa 3ala al umman al Isalmyyah. May God grant us all his forgiveness and mercy during this month and beyond. have a great day.

® رأفتـــلوجيا الرأفتانى said...

summer
the honor was mine to read such a great blog as yours

Ramadan Kareem