Friday, July 25, 2008

عمــــــــر وسلمى

ذهبت لمحل دى فى دى عربى- نظرا لحاله الحنين لمصر التى تنتابنى غالبا فى الصيف- لشراء افلام عربيه. والمضحك انى باشترى نفس الافلام ! لانى باسلفها لصحابى وعمرهم ما رجعوها . اشتريت البرئ والكيف . وانا بادور على الافلام لقيت فيلم ع الرف اسمه عمــر وسلمى. والحق اقول انى عمرى ما كرهت حد فى حياتى قد تامر حسنى ونادى الزمالك ومفيد وفوزى وزاهى حواس

مكتوب على ظهر الدى فى دى نبذه عن قصه الفيلم

عمر الشاب الجرئ الذى يدخل فى العديد من العلاقات الغراميه . ولكن لاعلاقه تستمر نظرا لحبه للتغير وشعوره بالملل . حتى يقابل سلمى التى تغير حياته. وتستمر الاحداث

وقبل ما اكمل نطق حرف الثاء فى كلمه الاحداث .. اطلقت شخره عصماء فشر التوتو بكر فى عز مجده لما كان بيزلزل حجر النواتيه وجيل نعسه ومينا البصل

احداث ايه اللى هتستمر وعمر ايه وسلمى ايه اللى هتغير حياته . والنبى لما تقرأ النبذه دى عن الفيلم ما تحسش كده ان الفيلم ده اتمثل الف مره قبل كده؟؟ انا نفسى كل واحد يخليه فى شغله وبس. يعنى المكوجى يفضل مكوجى والحلاق حلاق والمهندس مهندس وتامر حسنى يفضل تامر حسنى

11 Comment:

Anonymous said...

i recommend Ahmed Helmy movies ;) take care hon

ur little sis nohaz

Anonymous said...

rofaa this link offers u arabic movies and if u dont like just click fwd it gets u to the next movie ;)

http://3arabtv.com/3arabtv/#


nohaz ur sis always

Anonymous said...

http://3arabtv.com/3arabtv/channels/671/Aflam_Channel_Arabic_Movies.html

this one can click fwd the other is online streaming for what is showen live on tv

Anonymous said...

the arabic movies link

;) nohaz

® رأفتـــلوجيا الرأفتانى said...

thanks for the links ya Nohaz
I think all egyptian movies nowdays are fucked up

Anonymous said...

:p ok check this trailer we i wish i was there to hear ur comment haha
:D click
noha

كرياكو said...

رافت باشا

عامل اية يازعيم


يارب تكون بخير

® رأفتـــلوجيا الرأفتانى said...

كرياكو
فينك يابنى
عاش من سمع صوتك
يارب تكون بخير

Anonymous said...

:p rofa u didnt comment on the trailer

® رأفتـــلوجيا الرأفتانى said...

i did not watch it yet. I will let you know :)

rema_almoraly said...

انا عندي ليك خبر
بس عايزاك تمسك نفسك
جاري حاليا تصوير عمر وسلمى الجزء التاني
ولا عزاء لكارهي تامر حسني
ولكن اسمحلي ابدي تحفظ ضغنن اوي
على كرهك للزمالك وهذا برغم كوني اهلاويه
بس جوزي حبيبي زمالكاوي متعصب
وهدد بمنع مدونتك من دخول منزلنا العامر لو استمريت في اعلان كراهيتك للزمالك
لذا برجاء التكتم
وليبقى ما في القلب في القلب