Friday, July 25, 2008

عمــــــــر وسلمى

ذهبت لمحل دى فى دى عربى- نظرا لحاله الحنين لمصر التى تنتابنى غالبا فى الصيف- لشراء افلام عربيه. والمضحك انى باشترى نفس الافلام ! لانى باسلفها لصحابى وعمرهم ما رجعوها . اشتريت البرئ والكيف . وانا بادور على الافلام لقيت فيلم ع الرف اسمه عمــر وسلمى. والحق اقول انى عمرى ما كرهت حد فى حياتى قد تامر حسنى ونادى الزمالك ومفيد وفوزى وزاهى حواس

مكتوب على ظهر الدى فى دى نبذه عن قصه الفيلم

عمر الشاب الجرئ الذى يدخل فى العديد من العلاقات الغراميه . ولكن لاعلاقه تستمر نظرا لحبه للتغير وشعوره بالملل . حتى يقابل سلمى التى تغير حياته. وتستمر الاحداث

وقبل ما اكمل نطق حرف الثاء فى كلمه الاحداث .. اطلقت شخره عصماء فشر التوتو بكر فى عز مجده لما كان بيزلزل حجر النواتيه وجيل نعسه ومينا البصل

احداث ايه اللى هتستمر وعمر ايه وسلمى ايه اللى هتغير حياته . والنبى لما تقرأ النبذه دى عن الفيلم ما تحسش كده ان الفيلم ده اتمثل الف مره قبل كده؟؟ انا نفسى كل واحد يخليه فى شغله وبس. يعنى المكوجى يفضل مكوجى والحلاق حلاق والمهندس مهندس وتامر حسنى يفضل تامر حسنى

5 comments:

Raafatology®الأغانى للرأفتانى said...

thanks for the links ya Nohaz
I think all egyptian movies nowdays are fucked up

كرياكو said...

رافت باشا

عامل اية يازعيم


يارب تكون بخير

Raafatology®الأغانى للرأفتانى said...

كرياكو
فينك يابنى
عاش من سمع صوتك
يارب تكون بخير

Anonymous said...

:p rofa u didnt comment on the trailer

Raafatology®الأغانى للرأفتانى said...

i did not watch it yet. I will let you know :)