ادخلوها آمينين

الموضوع اللى ظهر اخيرا عن نسبه السيدات ضحايا التحرش فى مصر اصبح موضوع مثير للخجل والعار. 98% من السيدات الاجنبيات الاتى قمن بزياره مصر تم التحرش بهن و83% من السيدات المصريات يتم التحرش بهن يوميا. والشئ المؤسف ان الحكومه المعرصه كالعاده لم يقم لها قامه. والبوليس اللى كل همه يحجم حريه الشعب لم ولن يهتم بتلك الحوادث اللى زى ما بيقولوا حوادث فرديه و مش ظاهره. رقم ال %83 ده هو رقم السيدات اللى قدموا شكاوى عن موضوع التحرش. واكيد فى هناك العديد من السيدات اللاتى خجلن من تقديم الشكوى وبخلاف الموقف المؤسف من الدوله البولسيه . الرجاله والشباب اللى بيتحرشوا دول ليس بهم من الرجوله ما يذكر. ايام زمان كان فى نخوه وشهامه معروفه فى مصر. لكن للاسف الآن الكثير من انصاف الرجال من امثال توتو ولولو وهوهو وشباب علق كده لو فتحت دماغ اي واحد منهم هتلاقى بدل المخ واحده ست عريانه. كل اللى بيفكروا فيه لا مؤاخذه هو عضوهم الذكرى ده اذا كان موجود اصلا. واى واحد يلوم السيدات فى موضوع التحرش ده فهو ناكر للحق. فأى بنت واى ست فهى حره تلبس اللى تلبسه وتقلع اللى تقلعه. ده اختيارها هى. وانت مش من حقك تعاقبها بما لبست او قلعت لان موضوع القلع واللبس ده علاقه بينها وبين ربنا. ربنا للى بيحاسب مش انت. اذا كانت هى فى نظرك مش محترمه فخليك انت محترم والحق اقول لما اخجل يوما من كونى مصريا كخجلى يوم وجدت تحذير على الموقع بتاع وزاره الخارجيه لاحدى الدول الغربيه لرعاياها من السيدات من زياره مصر نظرا لزياده نسبه التحرش الجنسى
هكذا اصبحنا كالحيوانات فى نظر الدول الاخرى. حتى براميل البترول فى الخيلج اصبحوا ينظروا الى مصر كمرتع جنسى
الحل الآن اصبح فى يد السيدات والقله القليله من اصحاب النخوه والرجوله. اى واحد ست يتم التحرش بها المفروض تمسك الشخص اللى اتحرش بها وتطلع دين امه . طالما الحكومه مش فى دماغها

9 comments:

Anonymous said...

u remind me of a story someone told b4

واحدة حامل ماشية
فواحد بيعاكسعا تسلم ايد الي نفختها
راحت قايلة له
و قادر يجي ينفخ امك

مش فاكرة مين الي حكاها
لكن مش كل الستات تقدر تعمل زي الست دي و ترد زي ما انت عايز

انا عن نفسي هطلع اجري

الأغاني للرأفتاني said...

النكته دى .. تقريبا خالد ابن عمى هو اللى مطعلها
ههههه
يا فرحتى
هو ده اللى قدرتى عليه.. تجرى؟؟
ههه

الريم said...

التحرش بقى متوغل بشكل فظيع وصدقنى حتى لو البنت محجبة برضه مش بتتعتق من الغلاسة وقلة الادب والنظرات البذيئة وخصوصا لو قلت للحيوان ده فى ايه ولا احترم نفسك بيرد بمنتهى قلة الادب ايه هو فى حد عملك حاجة ويبجح فيك كمان وعلى التحرش دلوقتى بقى لرجال وشباب من جميع الاعمار والمستويات

الأغاني للرأفتاني said...

الريم
اتفق معاكى فى كل كلمه. التحرش اصبح سرطان فى المجتمع

منال
يعنى حتى اللى كان بيعاكس ماطلعش بيعاكسك.. ده حظ ايه الهباب ده
بصراحه انا مش عارف الفكره من المعاكسه والتحرش ايه؟
انا فى نظرى دى هيافه وقله أدب.. وطالما البوليس ما بيعملش حاجه ففعلا الحل فى المطاوى والسنج وماشابه ذلك
وربنا يستركم جميعا

مبروووووووووووووك
ولنا حوار اخر بخصوص الهديه والكلام ده

Iskanderani said...

مساء الفل أستاذنا رأفت؛
المجتمع المصري مبني ذكورى فقط ؛ رغم أنني قرأت إحصائية عن كمية مبيعات الفياجرا في الموكوسة حاليا والمحروسة سابقا ياسيدي أرقام تجعلك تفكر الف مرة ماذا يفعلوا بها.
أنا كنت يوم السبت الماضي في صالة الجيمنازيوم وبعدها كما أفعل كل يوم سبت عند توفر الوقت لدي ذهبت لحمام السونا الملحق بالصالة ورأيت هناك عدد غير قليل من الزائرات معنا - كما خُلقنا - فقط بفوطة سونا كبيرة فسألت نفسي لماذا لانعتدي علي أي منهم . وماذا يمنعنا عن التحرش بهم أو ماذا يمنع السيدات من التحرش بالرجال بالرغم من تواجدنا معا وشبه عراة. في غرفة السونا أو في صالة الراحة المجاورة لها علي الشازلونج للراحة

أعتقد إن هناك العديد من ألأسباب التي تجعلنا نتصرف بصورة تحترم إنسانية وفكر ألآخر. ربما أكون خرفت فعلاً في المهجر. ولو كان في واحد من إخواننا البعدا يرد علي ويقول لي السبب
لماذا ؟؟؟
آسف علي الرخامة وألإطالة يارأفت
تحيات إسكندراني في بلاد الله الواسعة

Iskanderani said...

مساء الفل أستاذنا رأفت؛
المجتمع المصري مبني ذكورى فقط ؛ رغم أنني قرأت إحصائية عن كمية مبيعات الفياجرا في الموكوسة حاليا والمحروسة سابقا ياسيدي أرقام تجعلك تفكر الف مرة ماذا يفعلوا بها.
أنا كنت يوم السبت الماضي في صالة الجيمنازيوم وبعدها كما أفعل كل يوم سبت عند توفر الوقت لدي ذهبت لحمام السونا الملحق بالصالة ورأيت هناك عدد غير قليل من الزائرات معنا - كما خُلقنا - فقط بفوطة سونا كبيرة فسألت نفسي لماذا لانعتدي علي أي منهم . وماذا يمنعنا عن التحرش بهم أو ماذا يمنع السيدات من التحرش بالرجال بالرغم من تواجدنا معا وشبه عراة. في غرفة السونا أو في صالة الراحة المجاورة لها علي الشازلونج للراحة

أعتقد إن هناك العديد من ألأسباب التي تجعلنا نتصرف بصورة تحترم إنسانية وفكر ألآخر. ربما أكون خرفت فعلاً في المهجر. ولو كان في واحد من إخواننا البعدا يرد علي ويقول لي السبب
لماذا ؟؟؟
آسف علي الرخامة وألإطالة يارأفت
تحيات إسكندراني في بلاد الله الواسعة

الأغاني للرأفتاني said...

اسكندرانى
والله يا استاذ ممدوح دى حاجه تكسف وتفضح ..
وقله الاخلاق هى السبب الرئيسى فى الموضوع ده. لان لو كل واحد فكر فى اللى ماشيه دى زى اخته او زوجته او والدته..كانوا اتقوا ربنا فيهم لكن للاسف ..

الله عليك يا ابو اسكندر وانت بتروح السونات دى.. ابقى ادينى عنوان السونه المشتركه دى.. اصل عندنا فى نيويورك متدينين الرجاله فى حته والحريم فى حته
ههههههه


Manal
good luck anyway

I dont know what movie you are talking about!!!!!!

you think the dark night was boring?? lol
may be you were watching the first one by mistake. hahahah

Ya
Heath Ledger was fantastic
all yer7amoh Ba2ah

Bipolar-Girl said...

شوف يارأفت

اولا لبس البنت او حجابها من عدمه مش سبب لانها تتعرض للمعاكسة

النهاردة اي شيء مش دكر بيتعاكس

في رأيي ان الاهل سابوا التلفزيون والاصحاب يربوا الاولاد ودي سبب كل البلاوي اللي احنا فيها

اما اللي بيحملوا البنت المسئولية ويقولوا اكيد علشان لابسو كذا وكذا او لسه في الشارع للساعة كذا او اكيد عملت حاجة شجعتوا فدي العقليات السلبية الجاهلة اللي بررت للعقل الذكري فكرة ان الانثي شيء مباح لأسباب ملفقة يستنتجها عقله المطرب لحظة التحرش

عن تجربة لازم كل بنت يكون معاها سلف دفنس في حالة ان المعاكسة تطورت
البوليس فعلا مش بيحمي والناس بتتفرج
يبقي لحد ما يقضي الله امرا كان مفعولا مليش الا ضوافري وسناني وجزمتي لاي حد ينتهك حريتي وكرامتي في الشارع
ده شيء مهين اننا نزل للمستوي ده بس تقدر تعتبره قانون طواريء

فكل اقنعة الحضارة تسقط لحظة الخطر


ميرسي جدا علي زيارتك لمدونتي وانا اسفة اني اتأخرت في الرد لظروف السفر

تحياتي
نانسي

الأغاني للرأفتاني said...

manal
I did not watch Handcock yet. it will come to our regular Cabel TV soon.
I want you to get use to Batman because there are so many parts coming up.
I liked it:))))))))

نانسى
حمدا لله ع السلامه
الظروف الاقتصاديه اثرت نوعا ما على خلاق المجتمع. فالاب شغال شغلنتين والام برضه بتشغل علشان يوفروا يدوب عيشه محترمه لابنائهم وفى وسط الصراع ده نسوا اهميه التربيه لاولادهم
اللى مضايقنى هو الشباب اللى عامل زى الشحط وقاعد يعاكس ولا بيتحرش بواحده ماشيه لا بيها ولا عليها
ربنا يستر

نهـــــــاز
ايه الاخبار
ربنا يشفيكى .. اهو رحمنا من لسانك شويه
هههه