كامل الشناوي والحب المستحيل

 

كامل الشناوي كان دايما يسعى وراء الحب المستحيل. نجاة، سلوى حجازي والفاتنة كاميليا.

حكاية نجاة تناقشت مليون مرة، لحد إن مصطفي أمين كتب مقال بعد موت كامل الشناوي عنوانه (هل قتلت نجاة كامل الشناوي)

سلوى حجازي كان بيقول عليها أنها تجسيد حي للرقة. ودائما بيهزر ويتخيل أنها قبل ما تفتح درج مكتبها كانت بتخبط عليه وتقوله لو سمحت يا درج، ممكن افتح حضرتك؟

أما كاميليا، والعجيب أنه نال وتره من كاميليا، وهي أجملهن على الإطلاق. كانت على علاقة بمليونير كبير صديق للشناوي. والمليونير ده سافر أوروبا وقال للشناوي عينك عليها لحد ما أجي. أصل هي لعبيّة. قضى الشناوي معها وقت طويل وكان بيخسر لها في القمار رغم أنه معاه الورق اللي يكسب. هي لاحظت ده وقالت له رغم أنك مش مليونير، إلا أنك بتقدم كل اللى معاك.

ورايح دايق العسل كله. أيوه كله😄