عيد الحب...ورمانيسه العبط والدباديب


عمرى فى حياتى ما كرهت عيد بعد عيدى الشرطه وعيد القمح قدر كرهى لعيد الحب..او الفلانتين دى
وعيد الحب مهما اختلف اسمه او تاريخه هو نفس العيد الرخم الذى لا يحمل اى معنى وفى نظرى لا يدل على اى شئ سوى العبط
فى نيويورك تجد كل شحط واخوه يحمل من الورود والازهار ما لا يستطع حمله كتيبه امن مركزى
وبجانب الورود تجد شيكولاته وشمبانيا..وما حل وطاب من اللذات والمسكرات
فى قاهره المعز تجد كل فحل واخوه ..شنبه ممكن ينفع يتعمل منه مكنسه او حائط شائك ..شايل دبدوب ابيض وماشى بيه فى الشارع وفرحان اوى..كانه جاب الديب من ديله
وبقدره قادر يتحول ويتغير لون قاهره المعزمن اللون الترابى اللى اللون الاحمر..فشر يوم الاهلى ما اخد كاس افريقيا
وبرغم اختلاف السعر واللغه والمكان والزمان..الغرض من الدباديب والورود والازهار والشمبانيا والشيكولاته هو نفس الغرض
فى قاهره المعز..سى روميوا طمعان فى بوسه آخر الليله
فى ينويورك وغيرها من العواصم الغربيه..سى روميوا طمعان فى ما هو اكثر من البوسه
وعند سؤال اى شحط او حلوف من حمله الدباديب والازهار عن السببب فى شراء كل هذا ...يرد وعينها كلها احاسيس وعواطف كانه ضارب عشره كيلو حشيش..ويقول..عاوز ابين لها حبى
ونسى هذا الحلوف الدبدوبى.. ان الحب ليس بالدباديب والورود ..الحب هو فعلا ان تحب..لان اللى بيحب بجد..مش محتاج انه يبين حبه ويشترى دبدوب
جاتكم نيله ..رجاله تعر

30 comments:

Iskanderani said...

مساء الخير ياعم.. بالراحه على الناس شويه...وحمدًا لله على السلامة ...عيش وسييب المُلك للمالك يعيش ..كل سنه وعوده طيبه للكتابه..

smraa alnil said...

اللي بيحب بجد مش بينسي وبيسامح
مش شرط يكون دبدوب ولا هدية
الناس هي اللي بقي فكرها كدة

الحب بعيد عن وردة ودبدوب او هدية
اللي بيحب بجد سواء حب او صداقة
بيسامح واخدلي بالك انت
وفوق دة ودة بيقدر ظروف اللي قدامه
حمدالله علي اسلامة يا رأفتاني يا كبير
عودا احمد ومحمد وسمير وعبد الله

الأغاني للرأفتاني said...

اسكنــدرانى
شكرا تشريفك لى..بس برزمتك لما تشوف بغل طول وعرض وشايل دبدوب ابيض فى ايده..مش تزعل..هههههههه
تحياتى
----------------------------------------------------------------------
سمــراء النيل
اللى بيحب بجد..مش شرط يستنى يوم..فى السنه ويروح يشترى دبدوب..
وراى
ان كل واحد يشترى حاجه قد حجمه
يعنى لما الواحد يكون عامل زى الطور طول فى عرض..يروح يشترى فيل مثلا او حصان..او ثعلب..

tota said...

عم المهاجر
حمد الله على السلامة صحيح نيويورك نورت تانى بس مصر ضلمت

انا بحب عيد الحب بعتبره يوم الناس اللى ناسية او مشغولة تفتكر تقول للناس اللى بتحبها انهم فاكرين
مش مهم الدبدوب او الورد او اى حاجة اد ما مهم الكلمة المفقودة وضايعة وسط الهم والمصاريف والمواصلات والعيال
المهم ان الحب يفوق ولو يوم يرجع ينتعش بكلمة منسية
يا ريت السنة كلها عيد حب بس طبعا مستحيل يبقى يوم حتى مش حرام
اذا نسينا نقول هنفتكر امتى ؟ لما نفقد احبائنا ونتمنى ساعتها كنا قلنالهم اد ايه بنحبهم ولو فى يوم

تحياتى

الأغاني للرأفتاني said...

تـــــــوتا الجميله
ماشى ياستى..يا رب يجعل كل سنينك عيد حب..
بس سؤال
انتى ليه عاوزه السنه كلها عيد حب؟؟؟؟
تكونيش بتاجرى فى الدباديب؟؟؟


برده الحب مش محتاح يوم فى السنه

الأغاني للرأفتاني said...

منــال
صادقه ياختى فى كل حاجه..انا عارف دماغك الشمال اللى زى حلاتى...
ويحكى انه فى الجامعات..ان بعض العشاق بيعملوا جمعيه علشان يقدرو يوفروا ثمن الدباديب
---------------------------------------------------------------------

نهـــــــــــــــاز
ههههههههههههههههههههههههههههههههههههههههههههههههههههههههههههههههههه
اخبار التريكواز ايه...والله اللون ضرب كده لواحده
هههههههههههه
الله يلعن فقرك

Ma 3lina said...

عود احمد

و متسالنيش مين احمد
ههههههه

نورت قهوتك بس ايه النيو لوك بتاع القهوة دا حبة روشنة يعنى ولا ايه

بس الفحلوقى اللى انت حاطه دا حسبى الله و نعم الوكيل انا هبعتلك كشف النضارة علشان تدف الحساب

اما عن الفلانتين فعندك حق دباديب ايه بس هوا يديها الفلوس فى ايديها احسن اه هيا تجيب اللى نفسها فيه

علشان اذواق الرجالة فى الحاجات دى وحشة اوى

Iskanderani said...

مساء الخير ياسيدي العزيز,

انا لو مكانك أقول للشحط ده: " ياعم روح إشتري لها حاجات شوفتيشي خاااااالص , مثلا قميص نوم حرير أسود ولا برضه أزرق لون البحر على كام حته حرير من الشوفتيشي خالص خالص شئ أحمر حرير , وشئ اسود برضه حرير ".... تقوم أيه هي تفهم اللى هوه بيحبه وتقوم بالواجب اللى هو عنده أمل فيه.
والحرير له ملمس حلو يجنن قوي تحت الصوابع

موش كده ولا أيييييييييه
مع الإعتزار للمرحوم فؤاد المهندس

تحيات إسكندرانى فى بلاد الله الواسعه

الأغاني للرأفتاني said...

ما علينا
الفلوس اكلت دماغك..كل تفكيرك مادى بحت..شم الدواء والتوسيفان اثر على المشاعر والعواطف.........
ادى اخرت دكاتره الصيدله..
ملها الدباديب..مش احسن من بوجى وطمطم ولا انتى دفعه..ابوقردان صديق الفلاح
----------------------------------------------------------------------
نهـــــــــــاز
خلاص غيرنا اللون يا ستى
انتى هتدبسينى فى عريس فرنساوى علشان غيرت اللون
ده ايه التلاكيك دى

الأغاني للرأفتاني said...

اسكنـــــــــــدرانى
ههههههههههههههههههه
والله دماغ..فعلا اسكندريه دى ولاّده
اهى دى الافكار التمام...الشفتشى والاحمر والاسود والحرير
انما دول يا عم ممدوح شباب خرع عبيط..اخرته دبدوب وشويه ورد..
ويسبل فى عينه ما تقولش واخد حقنه زيت خروع

سعيد بزيارتك يا غالى

Memo said...

روح يا شيخ ربنا يجبر بخطرك
برافو عليك و الله العظيم انت بتفهم
دباديب ايه ونيله ايه يجبلها كيلو رز و لا كيلو لحمه افيد
انت بقا متسفرش و اياك تبطل كتابه تاني
ليك و حشه و الله و حمد الله علسلامه
تحياتشي

الأغاني للرأفتاني said...

ميمـــــــــــــو
الله يسلمك..ايه الاخبار..
برده ما قولتليش جيبتى الصوره دى منين؟
وايه رايك لو سى روميو..بدل ما يشترى دبدوب او لحمه ورز..يفتح حساب فى البنك لست جوليت..وهى حره بأه تشترى اللى عوزاه

الزعيـمة said...

الحمد لله على سلامتك يا رافتانى

صحيح الكلام يجيبك يمين وشمال
الواحد يفتح مدونة ولا يقرا مقال بتتكلم عن عيد الحب والمشاعر الجميلة
عيونة تدمع وقلبة يخفق وبطنة تصوصو

يجي يقرا فى حتة تانية زي عند حضرتك كدا عن عيد الحب يحس انة ناوي لو شاف اى شحط او فحل كما سبق شايل ورد
او دبدوب يفكر يلطشة قلمين على وشة
ويقولة اكبر يا اهبل


الموضوع محتاج دراسة وبحث
لانى بدات افقد قدرتي على تحديد الصواب

بالمناسبة
خايفة تكون انت اكتر واحد
مخلص دباديب المكتبة الجنب بيتكم

اه بجد مكتبة ميامي دي بتشتكي من نقص الدباديب والقرد البيضرب على الطبلة
البيتحطلوا حجارة انيجيزر

نورت عالم التدوين يا فندم

الأغاني للرأفتاني said...

الزعيــــــــــــمه
آه يا خبيثه..ايه عرفك انى باشترى دباديب كتيره..
مش بزمتك ..الشحط اللى بيشترى دباديب ده..الفروض يوفر الفلوس علشان ينجز بأه ويرتبط بصاحبته اللى بيشترى لها دباديب..ولا هو عاوز يقضيها ع النيل وفى حديقه الاسماك؟

الحاج ابو الرأفتانى بيسلم عليكى وبيقولك هو فخور اوى ان فى لسه بتحب جمال عبد الناصر

Anonymous said...

ليه بس كدة
ايه اللى حصللك يا نجم؟
انت اتجرحت قريب؟ ولا ايه؟
..............
ياعم سيبك منها و ولع فى دباديبها و حب واحدة تانى مبتجبش دباديب
.............
هههههههههه
.............
حمدالله على السلامة

الأغاني للرأفتاني said...

عاشــــــــــــــــــور
عيب عليك يا مان..انا احب ليه اصلا..واتجرح ليه من اساسه..
اخوك عامل زى الصخر..المشاعر والكلام ده..عامل ثانوى..هههههههههه
انا بس زعلان على رجاله شنبات وشايل دبدوب..
انتى عارف لو يشترى لها ربع قرش حشيش؟
ماشى اهو الواحد يفرح
انما دبدوب

Anonymous said...

حمدلله عالسلامة
ومن لقى أحبابه نسى اصحابه يا سيدى

مش اصحابك اللى مكملتش معاهم ساعتين على بعض؟؟؟

سلام

الأغاني للرأفتاني said...

شهــــــــــروزه
ساعتين بس يا كدابه؟؟؟
حله محشى
كيلو فسيخ
شاى
وبيبسى

كله ده يتاكل ويتشرب فى ساعتين بس؟؟؟؟؟

ايوووووووه ع البكش

همس الليل said...

هالله هالله
الاول سمدله على الحلامه يا ريس
تانى حاجه امركيا نورت ومصر الميه قطعت فيها هههههههههههه

المهم ايه يا عم الداخله الجامده دى هو العيال بتوع هنا غلابه

وبعدين هو ايه عيد الحب دا اصلا هو اصلا فى حب

دا عيد النفاق

الأغاني للرأفتاني said...

نــــــــورا
ايه الاخبار يا جميل..البن البرازيلى وحشنى..
حب ايه وكلام فاضى..جاتهم نيله ملو البلد

اخبار الحفر فى اسكندريه ايه؟؟
من لله المحافظ ابن .... ده..خلانى اشم بتاع خمس فدادين تراب..

انا سمعت انه معمول له عمل وبيدور عليه..
وفى سواق تاكسى تانى قالى ان المحافظ بيدور على كنز..

وسواق تالت قالى..
ان المحافظ ده حالف انه يهد كل حاجه بناها عبد السلام المحجوب

المهم ان انتى تكونى بخير..والشارع بتاعكم لسه ما اتهدش

Anonymous said...

عندك حق فى كل كلمة قلتها

همس الليل said...

اه والله يا ارافت يا خويا
المحافظ ابن ستين فى سبعين دا
كسر اسكندريه والله بوظ البلد يا رافت
شوفلنا حد من حكومتك يشيل الراجل البغل دا هههههههه
قبل ما يرفسنا

لا بجد انا حاسه بمنتهى الاستفزاز والله
وكنت هعمل حمله على مدونتنى ضد الراجل البطيخه دا

بس مستنيه اجيب الكاميرا الجديده عشان اصور والله ادعيلى احوش فلوسها قبل المحافظ ما يستقيل هههههههههههههه

همس الليل said...

اه والله يا رافت انت اللى جميل بزوقك وطيبتك اللى عمرى ما هنساها
والبن البرازيلى وحشك هو كمان هههههههههههه
يلا سلملى على امريكا بئا هههههههههه

الأغاني للرأفتاني said...

هنـد
شاكرين الزياره..نورتى
----------------------------------------------------------------------
نــــــــورا
فيكى يا الخير يا باشا..
والله اسكندريه وحشتنى..كانى ما شفتهاش من سنه مش من الاسبوع اللى فات..

واحد قالى امبارح ان المحافظ حالف انه يهد مكتب اسكندريه ويجيب مكانها محطه مصر
ههههههههههههههههه

المهم عبال ما تحوشى فلوس الكاميرا..
هيكون المحافظ ده بأه وزير وبيهد فى حتى تانيه..مش تقلقى..

عبدالله said...

رائع جدا موضوع شحط ده
:)
تعبير جميل فعلا عن الهطل بتاع الفلانتين
بس اهي هرتله يلهوا بيها الشباب و يصرفوا فلوسهم بدل ما الشباب تفوق وتفكر في حاجه مفيده واهي برضه الهبل بتوع المحلات يسترزقوا شويه يعني اهي سبوبه و بتطلع برضه
في السعوديه بقي نظام جميل المحل الي هيبقي معلق اي حاجه حمراء و لا دباديب و لا ورد في اليوم يبقي ليلة امه سودة بس اوعي وشك الشباب هنا برضه عندهم درجة من الذكاء بتخليهم يحوشوا الحاجات دي من قبلها بكام يوم
:)

تحياتي

L'orientale said...

حمدالله على السلامة وعودة حميدة... والله وحشتني مع اني زعلانه اوى منك ... ما علينا المهم انك بخير.
بص يا سيدي... انا ماكنتش باخد بالي لا من عيد حب ولا هباب... الموضوع أصلا مش فارق معايا.. زيك بالظبط... لكن فرق اوي وافتكرت اني بني أدمه لما جالي الدبدوب اللى انت بتكلم عنه ده... وخاصة لما يكون من شخص يكفي تقول انك بتقدره وتحترمه.... ده شعور مختلف... اتمنى يوصلك قصدي وتحسه.
تحياتي

دكتور مستكنيص said...

والله يامهاجر أنا مش متفق معاك تمام في رأيك جايز يكون اتفاقنا في الرأي في حالة العلاقات الغير رسمية يعني لا خطيب ولا زوج لكن انا شايف ان فكرة ان يوم معين نخصصه عشان نكرم الاحساس ده فكرة روعة تمام زي فكرة عيد الأم الواحد مش لازم يجيب لأمه هدية عشان يكون بيحبها لكن في اليوم ده بيبقي كانه بيطلع كل ماعنده

الأغاني للرأفتاني said...

عبد الله
رزق الهبل ع المجانين..هو ده قصدك يعنى؟؟؟
والناس اللى فى السعوديه اللى قصدك عليهم..بيلفوا ويدورا فى حاجات كثيره..مش الحاجات الحمرا فقط

سعيد بزيارتك
--------------------------------

الأغاني للرأفتاني said...

L'orientale
الله يسلمك..انتى زعلانه وانا كمان زعلان..
والعتاب بين الحبايب متاح..صح؟؟؟؟

انافاهم قصدك فى موضوع الدباديب ..
بس مش مقتنع ان الانسان ما يحسش انه محبوب غير بهديه او بدبدوب..

---------------------------------------------------------------------------------------------------------
دكتور مستكنيس
من حقك تختلف مع يا دكتره..انت فى الممكله الرافتانيه الديمواقراطيه..
بس برزمتك لما تلاقى طور وشايل دبدوب فى ايده؟؟ مش تزعل

وبعدين شتان بين عيد الام الطاهر وهذا العيد اللى فى اخر الليله فى مصلحه
ولا ايه يا دكتره

Yasmine Adel Fouad said...

هههههههههههههههههه
و الله و حشتنى ثقافتك يا برنس
كنت محتاجه حاجة مجنونة كده
علشان انا احساسى اليومين دول مش اد كده

واحشنى جدا على فكرة