الفيلم الايرانى - اعدام الفرعون

موضوع الفيلم الايرانى - اعدام الفرعون - دليل اخر على هبل وعبط وهرتله الحكومه الايرانيه اللى عماله تلوش فى الجميع. غرب وشرق شمال وجنوب عرب واجانب. الفيلم الايرانى فيلم وثائقى عن اغتيال السادات وبيحكى انه كان عميل وخاين وان اللى اغتالوه ماهم الاابطال
النقطه هنا مش عن السادات اذا كان بطل ولا فرده كوتش . ولا كان خاين او صدوق. النقطه المهمه هنا ان حكومه العمم الايرانيه حكمت على حاكم مصرى بالخيانه وانه سبب البلاوى اللى احنا فيها دلوقت. وبرغم اختلاف وجهات النظر عن السادات من محبيه او معارضيه . ايران ملهاش انها تحشر مناخيرها وتقول اذا كانت السادات عميل ولا مش عميل . لان الحمد لله مصر مليانه عقول تقدر تحكم على حكامنا وتاريخهم اذا كان اسود ولا ابيض
والحق اقول ان لو الفيلم ده كان اتعمل على ولى النعم - مبارك - برده كنت هاسخن واتنطط كده. لان ايران المفروض تعرف ان اللى بيته من زجاج ما يحدفش الناس بالطوب . ولا تلاقى الملل والعمم اللى هناك حرموا الامثله ومنعوها من التداول
وزاره الخارجيه المعرصه بتاعه احمد ابو الغيط اعترضت . تقوم الحكومه الايرانيه تقول دى حريه . آه والله ايران بتقول حريه . الحكومه الايرانيه اضافت ان اللى انتج الفيلم افراد وليست الحكومه الايرانيه. ما حدش يسمعنى شخره. ايران بتتكلم عن حريه لافراد. من امتى ان شاء الله
الحكومه الايرانيه العبيطه هتفقد اى تعاطف مصرى معاها . ونجادى الحنجورى ده واخد الدنيا بصدره زى هيفاء وهبى كده مع اختلاف جمال الصدر وكميه السليكون اللى فيه

11 comments:

Empress appy said...

ههههههههههههههههه تصدق بالله انت بجد دماغ
وبعدين او سمحت اسمه اللى بيته من زجاج ميغيرش هدومه فى الانتريه
عادى تلويشه من نجادى بس من غير تفكير وهتيجى فوق دماغه
بجد
وبعدين السادات ده مش اللى سمح لشاه ايران بدخوله مصر والعالم ضده والدنيا قامت عليه هما بيمثلو ليه
وبعدين كمان هما مناخيرهم طولت قووووووووووى وعاوزة قطعها بس سيبهم تيجى على دماغهم

الأغاني للرأفتاني said...

appy
جديده حكايه اللى بيته من زجاج ما يقلعش هدومه فى الانتريه .. ده لو ساكن دور ارضى؟ انما لو ساكن فى الخامس وطالع فمكن يغير فى اى مكان فى الشقه صح؟

موضوع شاه ايران ده مات مع اللى ماتوا وخلاص بأه ..هما جيين يسخنو بعده ب30 سنه..

ولا هى العمم دى تخنت دماغهم اكثر ماهو تخين

تحياتى

Anonymous said...

tyb laih ya rofa matklmtesh keda 3an film dont miss with zohan
ma3 eno sorry ay3nee fe el lafz qemet el ta3ris el isreali



sorry fe el lafz
bas enta meseket fe beto3 iran we saib welad el kalb el amrican we el isrealieen

nohaz

الأغاني للرأفتاني said...

نهاز
ولا يهمك من ناحيه الشتيمه.. وبعدين تعريص دى كلمه مش عيب

دلوقت .. انا عاوز اعرف ايه اللى حشر اسرائيل وامريكا فى اللى انا كاتبه هنا؟؟

انا كتبت عن فيلم منتج فى دوله اسلاميه بيشتم رئيس مصرى صح؟

لو اسرائيل او امريكا عملوا فيلم زى ده بالضبط بيشتم رئيس مصرى افضل اشتم واتنطط برده

ولا هى اى مصيبه او خبيه لابد نحشرها على اسرائيل وامريكا

الفيلم اللى انتى بتقولى عليه ده انا ما شفتوش ولا هاشوفه لان آدم ساندلر ممثل تافه اصلا وخساره فيه العشره دولار بتوع السينما

اللى كتبته كان عن ايران ومصر فقط
لما امريكا تتنج فيلم يشتم فى السادات ان شاء الله هابقى اكتب عنه

Temo said...

على فكرة يا جماعة انتوا شكلكم ما شوفتوش اخر اخبار ايران وامريكا واسرائيل ممكن الفيلم دة معمول عشان مصر ما تاخدش موقف ضد اسرائيل وامريكا لو شنو هجوم على ايران وبالعكس ممكن مصر تساعد اسرائيل وامريكا انهم يضربوا ايران والحجة بقت موجودة ان ايران بتشتم فى زعماء مصر
ومصر هتقول محدش يلمونى ولا يعتب عليا
والبادى اظلم
وبعدين طول عمر ايران متخلفيين عقليا كفايا العمم اللى لابسينها
:d

Anonymous said...

ya sedi etfarag be balash
el film bytkalm in isreal el genood beto3aha albohom tyb ma3 el atfal laken 3andohom qwa khariqa fe mo7arbet el arab
el gahla el by7bo el neswan el el el...
we men demn el 7ewar en abo adam zeft da by2olo el 7arb el begad kanet fe 67
da film sorry ebn wesakha

sawany adik el link

http://www.watch-movies.net/movies/you_dont_mess_with_the_zohan/


aho ya 3am watch for free

^ H@fSS@^ said...

انا اجيبلك من الاخر
الحكومة دي بنت كلب مسعور
و احمقي سجادة ده له يوم اسود من قرن الخروب
هو بقى قال حرية راي؟؟
شيلله يا حرية راي
فين؟؟
في جمهوري اسلامي خزعبلي ايراني بيهوش بصورايخ بمب العيد و مش مقدر خطورة اللي بيعمله
اصلي مبقوقة منه
موووت
مووووت
اااه يا ناري
قلبي جايد ناار
شوية مخرفين كلهم و في الاخر بتدق على روسنا احناالناس الغلبانة
و انا مال اهلي
الله يحرقهم بجاز وسخ

الأغاني للرأفتاني said...

temo
ايران هى اللى عامله الفيلم مش مصر؟؟؟؟؟؟؟
وبعدين لافى حرب ولا بطيخ دى فنجره بؤ ع الفاضى
لادى يقدر يضرب ولا التانى يقدر يحارب
كله تعريص فى تعريص

شاكر زيارتك


نهــــــــاز
برضه ان مش شايف علاقه الفيلم اللى بتقولى عليه للى انا كاتبه. وطبعا اسرائيل لازم تعمل حاجات معاديه للعرب امال عوزاهم يعملوا ايه
انا بتكلم على غباء ايران تجاه دوله عربيه المفروض تكسب ودها فى الظروف اللى بتمر بيها
ابقى اكتبى بالعربى يا انجليزى
الحروف اللى فيها ارقام دى مش باعرف اقراها والله




حفصه
فعلا عقول وسخه.. وجعجعه من بتاعه ايام زمان وخلاص. وبيلوش مع الجميع
انا نفسى الناس تعرف الفرق بين الدبلوماسيه والسياسيه الجنجوريه الكذابه دى
الله يلعن دين ابوهم كلهم..هيدمروا العالم اكثر ماهو
اذا كان بوش والا نجادى
اوسخ من بعض

منـــــــــال
يا لعبك يا منووووول وانت بتعرف الحريه الجميله دى..
الفيلم فعلا محرف التاريخ وما بيعرضش حقائق ويسيب الحكم للمشاهد..
الفيلم ليه اتجاه معين وواخد المشاهدين معاه لهذاا الاتجاه

Gemyhood said...

بص يا رأفت انا هارد عليك بوست بجهزه من فترة عن الفيلم

بس انا مش متفق معاك خالص على فكرة

Anonymous said...

all i mean ya rofa that we should be angry at both isreal for this fu,,,n movie and also iran

i have no arabic font writen on my keyboard so i have to guess the letters :D
anyway

for iran the movie wont be viewd all over the world
like this one of ADAM zeft
and u know this will have its impact on our image as arab all over the world

الأغاني للرأفتاني said...

جيمى
ولا يهمك يا مان. الاختلاف فى الراى ظاهره صحيه
انا فى راى ان الحكومه الايرانيه حكومه معرصه بنت ميتين كلب.. والرأى ده عمره ما هيتغير بسهوله..


نهــــــاز
والا يهمك..شاكر تواصلك