الْمـنَشـدِيَن وَالْعـارْفـيَن بِأّهـل الَهـوَى

(1)

قريت حكاوى المنشدين

والعارفين بأهــل الهــــوى

إيشى قصه عن قلب أنجرح

وحكـايه عن قلب إنكـــوى

وقلـيل تـلاقى م الغـرام

حد إرتــــوى

(2)

حبيــب بيحلف بالقـنــاوى فى الجنوب

بيقول يا ســيدى عب الرحــيم ..قربنى ليه

يا عن الغرام ..قوينى أستعفف وأتوب

(3)

فى إسكندريه .. ع الرمله فارش حمــو كرسى

يشوف حبيبته يقولها شالله يامرسى

إمتى الجميل يسمح بأه

ومراكبه تيجى وعندي ترسي

(4)

أصل الغرام عامل كموجة بحر عالى

تعوم معاه راح يحضنك ويرفعك فوق في العلالى

تُقف قصاده يغرقـــك

ولا فيك هيسأل أو يبــالى

*******

2008 نيويورك – ديسمبر