Monday, August 16, 2010

وزير مش عارف يحلق ذقنه و مفيد شهاب يرسل البواب بالجراكن


موقع مصــراوى نشر الخبر ده

وزير يتأخر عن ميعاد مقابلة الرئيس لأنه معرفش يحلق ذقنه لإنقطاع المياه

ومفيد شهاب أرسل البواب بالجراكن لملئها بالمياه

المفروض إحنا كشعب لما نقرأ الاخبار دى نروح نشترو علبة مناديل كلينكس ونعيط على حالة الوزراء اللى تقطع القلب دى ؟ ولا برضه نعيط على خيبة حكومه فيها أطول نهــر فى العالم ومش عارفين يوفروا المياه

اللى غايظنى فى الموضوع ده كله مفيد شهــاب عنده جراكن فاضيه ليه من الأساس؟

هل إشترى فى هذه الجراكن لبن؟ مستحيل. لأنه أكيد عنده جاموسة حلوب فى القصر بتاعه

هل إشترى فى هذه الجراكن فلت أو مبيد للصراصير؟ هل إشترى 3 لتر جاز للتوكتوك بتاعه؟ أشك فى ذلك

هذه أسئله محتاجه إلى إجابه من وزير الدوله لشؤن مجلس الشورى

إشتريت إيه فى الجراكن يا مفيد؟

2 comments:

Raafatology®الأغانى للرأفتانى said...

الويسكى بيجى فى زجاج وليس جراكن:D

Raafatology®الأغانى للرأفتانى said...

انت مصمم ان مفيد خمورجى بقى هههه