دمـــْك حــلال : حداداً على مصر

(1)

مـش مـُهــم تكون بتـشرب

نفس مية نيل بــلادى

مش مُــهم يكون ولادك

لعبو فى نفس حوش المدرسه

اللى لعـبو فيه ولادى

دمــــــــــــــك حـــــلال

(2)

أصل إسمك مـُختلف

مش زى إسمـــى

حتى صورتك مُش شايفها

ورسمـها مُش زى رسمى

دمـــــــــــــك حـــــلال

(3)

مش مُـهم يكون سـمارك

سببُــه نفس الشمس اللى

زرعت قمـــح غيــطى

مش مـُهم أكل بيتك

ريحــتُه فايحه وداخــله بيتى

دمـــــــــــــك حـــــلال

(4)

مش مــُهم شكــوتك يكون

سببـهــا شكـــوتى

وفيهــا إيه لو دموعك كان

سببــها دمعــتى

مش مــُهــم أروح وأبيعك

وأقول يارب ما تستجبش لدعـــــوتى

دمــــــــــــــــك حــــلال

****************

نيويورك – 31 ديســـمبر 2010

 


No comments: