مبارك يعتذر ويطلب العفو


كتبت العربية علي موقعها بأن مبارك ينوي الاعتذار للشعب ويطلب العفو . والحق أقول أنا لا أعرف يعتذر عن ايه بالضبط ؟ هو مفكر انه سرق ركنه عربيه واحد جاره ؟ ولا قطع قدام واحد في أشاره مرور

الواحد بيعتذر لما يسرق سيجارة من صاحبه ولا لما يلطع صاحبته علي الكورنيش في عز الحر لمده 3 ساعات لما يجيلها ضربه شمس تموت بعدها بيوم

إنما رئيس لابس وش عبط ولعب البخت في حياتنا يجي يقول أنا أسف

أسف علي ايه ؟ سيبك من الفلوس والأمراض وكرامة المصري اللي بقت في الأرض ، دم الناس اللي ماتت دي ايه وضعه ؟

أنا هاسامحك لما أي أم من أمهات الشهداء تسامحك

لا تصالح يا من استحللت دماء وأموال الناس يا من ظلمت و سرقت و قتلت وكذبت وسخرت

يا من حكمت فينا من لا يرحم ! مت فلا تصالح وشعبك قد أسودت قلوبهم من ظلمك الجائر



- Posted using BlogPress from my iPad

1 comment:

Dina said...

ده اسمه استهبال و مسكنة رخيصة. علشان الهبل بتوع اسفين يا بابا يصعب عليهم. زي بالظبط الاستهبال بتاع مراته اللي هتتبرع بملاليم من الفلوس اللي سرقتها للدولة. حرام و الله الاستفزاز ده.