مرحلة اللا كس أم

مرحلة اللا كس أم ...

ودي المرحلة العمرية اللي انت وصلت فيها لقمة النضوج لدرجة انك تستخسر تقول لحد كس امك. بعد ما ترتب حرف الكاف جنب حرف السين وتيجي تنطقهم، تكسل ، ولسانك ما يطاوعكش وتقول ان الشخص ده ما يستهلش. مرحلة اللاكس أم هي مرحلة الذروة اللي تتجنب فيها عتاب اي حد، او انك تجادل مع حد. دايما في بالك الشعار الجميل ان الجدال يٌميت الروح، وبناء عليه بتلجأ للحل الأسهل والأمثل وهو اجتناب الندل. لان حكمة الاجداد بتقول : عتاب الندل اجتنابه.

بعد ما مرورك بمرحلة اللا كس أم ، بتدخل في مرحلة جميلة مع نفسك وهي مرحلة السلام الناتج عن اللاكس ام. وفي المرحلة دي ، بتوصل لحالة من الروقان لم تصل لها في اي مرحلة من حياتك. والشئ السئ أو الصعب في هذه المرحلة هو فترة جلد الذات . لانك أحيانا بتاعتب نفسك علي معرفة شخص من أشخاص اللاكس ام، أو لانك لسه بتعرف شخص من هؤلاء ولم تضربه أو تضرب نفسك يالبلغة بعد.

آخر مرحلة بقي، وهي جمع الحصاد ، وهي مرحلة انك تقف في البلكونه بالبوكسر وانت بتشرب سيجارة الفجر وتبص علي جميع ضحايا مرحلة اللا كس ام. وانت بتشرب السيجارة ، فجأة تتزنق وهتعوز تدخل الحمام لأنك شربت قهوة كتير، ولكن تأبي ان تترك هذا المشهد البديع، فبتطرطر علي الجميع من البلكونه.