خمسين سنة من ال (كل شيء)

 نانسي - زميلتنا في العمل - تزوجت زوجها جو وهي في الثانوية العامة. في سن سبعة عشر، عرفت نانسي أنه هدية من السماء، وعرف جو أن لا حياة بدونها.

كانت تبكي وهي تحكي لنا أنها عاشت مع جو الـ (كل شيء). كانت تسأل نفسها وهي تنظر إلينا.  تستنكر العهد الجديد:
- كيف أعيش حياة جديدة؟ أي حياة تأتي بعد خمسين سنة من الحياة

في كنيسة الأسرة، كانت تتحدث إلى ميكروفون صغير مُثبت على منصة خشبية صغيرة وجو راقد بجوارها على تابوت مزخرف تحفّه تماثيل صغيرة من الملائكة والقديسين. حاولتْ أن تمزح..تستدعي مواقف مرحة عن حياتها التى ماتت والآن، تسكن التابوت في صمت. مسحت نانسي دموع تنهمر بسرعة غريبة:
- جو كان أول كل شيء بالنسبة لي: أول حب، أول قُبلة، وأول قضيب...

ثم ضحكتْ وصمتتْ. صعدت صديقة لها وحضنتها وأزاحت عنها مشقة الحديث وأعادتها إلى مقعدها معنا نحن المتفرجون.

بعد موت جو، ظلّت نانسي تتابع أخبار الموت بين الأقارب والجيران والأصدقاء. عندما يموت فلان، ترسل لنا رسالة تصف فيها كيف مات. كانت تبرر الموت وتحاول أن تستوعبه. كانت تريد أن تقول لنا: انظروا..الموت موجود ولكننا لا نؤمن به إلا عندما يقترب منا. كل رسائل ناسي كانت عن الموت وكأنها تستنظره!

ذهبتُ إليها ذات صباح في مكتبها. لم أتحدث إليها ولم تسألني هي عن سبب الزيارة. جلستُ  على مقعد أمام مكتبها. بكيتْ نانسي وهي تراني أشعر بالعجز عن عمل أي شيء لمساعدتها. قامت وحضنتني. ثم انصرفتُ

ليه انتخابات أمريكا المرة دي مختلفة‎

 


انتخابات الرئاسة الأمريكية نوڤمبر 2020 هي أشرس انتخابات تشوفها أمريكا لفترة طويلة. في انتخابات (بوش وآل جور)2000،  لما النتيجة تأخرت كذا يوم، الشعب ما كنش مستوعب الكام يوم تأخير دول. تداول السلطة في أمريكا في معظم فترات التاريخ كان دائما سلس وسلمي. نتائج ولاية فلوريدا سنة 2000 ما حدش حسمها بشكل واضح واضطروا أنهم يعدوا الأصوات.  وبناء عليه النتيجة تحددت في المحكمة الدستورية العليا.

 

عشان كده ترامب عاوز يقدّم وينصّب، بسرعة مرشح المحكمة الدستورية العليا بدل روث بادر جنزبرج اللي توفت من كام يوم؟ لانه عاوز قاضي كمان في المحكمة الدستورية يكون ميّال لأراءه علشان لو نتيجة الانتخابات راحت للمحكمة، ترامب يضمن أنه له هناك حد على هواه.  وللتوضيح قاضي المحكمة الدستورية العليا اللي بيشرحه ترامب أو أي رئيس عمره ما هيكسر القوانين أو الدستور لكن في بعض القضايا بيتخذ مواقف متشدده زي قضايا الإجهاض وبعض قضايا المرأة

 

المرة دي لأن في رئيس مختّل في البيت الأبيض. ولمّح كذا مرة أنه مش هيوافق علي النتيجة لو خسر. نائب الرئيس مايك بنس -اللي بعض الامريكان بيطلقوا عليه الشيطان -في لقاء مع فوكس نيوز، قال إن نتائج الانتخابات الجاية ممكن تروح المحكمة. كتير من حملة ترامب بيلمحوا بده وانهم مش هيوافقوا علي النتيجة لو خسروا. بجانب ذلك، حملة ترامب بتلاعب اليمين المتطرف وبتلمح لهم أن الانتخاب عن طريق البريد ممكن يتزور  مع أن الانتخاب عن طريق البريد مش حاجة جديدة وموجودة من زمن لكن دي أول مرة يكون في كرونا فعشان كده في احتمال كبير أن ناس كتير تنتخب بالبريد.

 أنا في رأي أن الناس هتنزل تنتخب رغم تهديدات كرونا لأن في إجماع علي أن ترامب فاشل حتي علي مستوي مسؤلين من الحزب الجمهوري نفسه اللي بعضهم أعلن أنهم ينتخبوا بيدن. زوجة جون ماكين مرشح الرئاسة الراحل، واللي كان الوجه والعلامة للحزب الجمهوري لعقود، أعلنت أنها هتنتخب بيدن.

 معظم أندية الكرة الأمريكية وبعض أندية البيسبول أعلنت أنهم هيفتحوا الاستادات بتاعتهم ويعملوها لجان انتخابية عشان يشجعوا الناس تنتخب ويكون في تباعد اجتماعي

 بيدن منافس ترامب قال أنه هيشيل ترامب من البيت الأبيض بالقوة لو رفض. الجيش الأمريكي قال احنا ملناش في لعب العيال ده. في أسوأ الفروض الحرس الوطني ممكن ينزل بعض المدن لمساعدة الشرطة لو اضطرينا لذلك غير كده الجيش ملوش فيها. 


 نقطة تانية لافتة للنظر وهي كمية التبرعات اللي جمعتها الحملتين رهيبة. لحد دلوقت حملة بيدن متفوقة في جمع التبرعات. بيدن جمع ٣٦٥ مليون دولار بس في شهر أغسطس واتفوق علي حملة ترامب بنسة ٤-١. عشان بس تعرف ازاي المبلغ ده مهول، بص على حملة ترامب وهيلاري كلينتون في 2016، الاتنين جمعوا ٢٣٢ مليون بس في شهر أغسطس!

ملياردير وعمدة نيويورك السابق مايكل بلومبرج اتبرع ب 100 مليون دولار عشان بيدن يركز في ولاية فلوريدا ومش كده وبس امبارح جمع اكتر من 20 مليون دولار علشان يدفع غرامات لبعض مساجين ولاية فلوريدا برضه ويرجع لهم حق التصويت 

 أنا بأنتخب من ايام كلينتون لكن دي أول انتخابات يكون الكلام عليها بالشكل ده ويكون في شقاق بالشكل ده