فى عودة قويه له، سأل القذافى المصريين فى تسجيل صوتى - بمناسبة ثوره 23 يوليو- عن السبب فى قيامهم بثورة 25 يناير
وسخر من سبب الثوره قائلا " عشان تجيبوا عمرو موسى الخاين" " طيب ما تجيبوا نوال السعدواى احسن" والحق اقول هو عنده حق فى دى فانا افضل نوال السعداوى عن عمرو موسى الف مره
ودافع القذافى عن مبارك باسلوب احمد عدويه لما غنى الملحمه الخالده بتاعة " يا دنيا عيب إختشى طبعك ردى كدا ليه" قال القذافى " إن مبارك ما يستحقش البهدله دى" وانه يبقى معزز مكرم فى اى مكان فى الدنيا
القذافى طراز فريد من نوعه بكل ما تحمل الكلمه من معنى، بغض النظر عن النوع اللامعقول من المخدرات الذى يتعاطاه إلا ان الرجل مسطول بالفطره ..يعنى مولود كده
والحاله اللى القذافى فيها دى حاله خاصه جدا.. بتحتاج تدريب صعب زى بتاع الننجا كده وفى هناك اشاعات وروايات انك عشان توصل للمرحله اللى القذافى فيها دى من صفاء زهن وانفصال عن الواقع انه لازم يتم اغتصابك بواسطه دبور نحل او تجيب عفريت يتيم مكســور الجناح يتبول فى عنيك وعلى شعرك
القذافى ياساده هدية للبشريه زى غاندى وام كلثوم وطه حسين والتوتو بكر بتاع كامب شيزار . ومن حسن حظ الجيل بتاعنا ان فى انترنت وتلفزيون وراديو علشان يتم تسجيل وتدوين الجواهر اللى بتطلع من فمه
No comments:
Post a Comment