فى بلاد العجائب

القوانيـــن الرأفتــــانيه

مصر التى فى خاطرى غيرها غير كل البلاد.. مصر التى فى خاطرى مليئه بالعجائب العجيبه.. ولو كانت المرحومه آليــس لسه عايشه كانت عملت فليمها الشهير فى مصر بدل آليـس فى بلاد العجائب

مصر التى فى خاطرى ملئيه بالقوانين التى تحمـى حق المواطن البســـيط وتعمل على ذياده الدخل ونماء الجسد
وحــلاوه الروح وانشراح السرائر وانفراج الخواطر وحمايه الحريه وتسليك المناخير وتعريض القفا وقطع اللسان
ففى مصر المحروسه تجد

قانـــون الطوارئ
الجميــل اللى عامل زى نسمه بحر اسكندريه فى ساعه عصارى
ولولا هذا القانون لوجدت كل الناس ماشيه ع الكورنيش فى سعاده وسرور ومش لاقيه اللى يلمها

قانـــون الاحــزاب
هذا القانون فتح طاقه النور لاحزاب عديده..زى وعلى حزب وداد قلبــى يا بوى وعلى حزب الريح ما يودى الريح مايودى وحزب النبى حارصه وصاينه

قانـــون اللى ملوش ظهر يطلع عين اللى خلفوه
والقانــون ده بالزات معمول علشان حمايه الناس الغلابه زى المناضل ابـراهيم نافع و الفدائى سمــير رجب لان من غير القانون ده, كانت الناس دى ماتت من الجوع

قانـــون النشــــــر
قانون حريه الرأى والحمايه الفكريه.. ولولا هذا القانون لانقرضت كل الصحف وخصوصا صحف المعارضه
زى الاهــرام والاخبــار والجمهــوريه.. وكنا اتحرمنا من كتّـــاب معارضين زى اسامه سرايا وكـرم جبــر
والتوتو بــكر والرائع الاستاذ الآنّــا ابو زيد وشيخ المعارضه العملاق كمال الشاذلى

قانـــون الموت علينا حق
وهذا القانون من اجمل القوانين على الاطلاق.. والمفروض كل مواطن يعلق فى بيته صوره من هذا القانون... وانت نازل من البيت الصبح تفتكر القانون ده.. مثلا لو رايح تركب القطار او اى وسيله مواصلات.. افتكر قانون الموت علينا حق لانك ممكن ما ترجعش.. ويا ريت كل واحد معاه تليفون محمول.. يخلى الرنه بتاعته.. قانون الموت علينا حق

قانــون انا وابن عمى ع الغريب
وهذا القانون معدل سنه 81 .. الاصل بتاع القانون ده بيقول انا واخويا وابويا وامى وعمــــــو حبيب على الشعب اللى عاوز يتربــى

قانــون اللى على راسه بطحه
وبرده القانون ده تم تعديله من الاصل بتاعه اللى هو اللى بيته من زجاج.. ما يحدفش الناس بالطوب
والقانون معمول علشان كسـر العين .. حتى اسألوا حســام ابو الفتوح.. صفاء ابو السعــود .. طلعت السادات


113 comments:

عمر said...

يا عم مش قلنا حنلمها ونبطل كلام في السياسة؟ اشعرفك انت بكمال الشاذلي ولا حبيب العادلي.. دي ناس كوبارة يابني ما يفهمهومش الجهلاء من امثالنا

وبعدين إيه "ذيادة" دي جبتها منين؟

الأغاني للرأفتاني said...

معلش يا وريث
دى آخر حاجه سياسه..وان شاء الله والله اوعدك انى هالغى المدونه من اساسها..خلاص العمليه ما بأتش تجيب همها

وايه حكايه زياده..يعنى زياده الدخل
الفعل يزيد مرفوع بالفتحه

الأغاني للرأفتاني said...

يا منـــال
فى قانون اسمه الجرى نص الجدعنه
وبعدين فى تعليقات انا بأسيبها عند ناس تانيه ...مش مفروض انك تقريها حتى لو كان فى محتوى التعليق ده..انك حقنه..

Ma 3lina said...

مين جاب سيرة الحقن ؟؟

انا بدى حقن و علشان الحبايب ببلاش

يالا باه

ايه قانون الجلا نص الجدعنة ده قانون جديد؟؟

الأغاني للرأفتاني said...

آه اللى عاوز يموت حد يوديه لما علينا علشان تديله حقنه
انتى فكرتى ان كليه الصيدليه دى طب ولا ايه..

دا اى مزين بيعرف يدى حقن..

Ma 3lina said...

مزييييييين؟؟؟؟؟؟

لا لا لا عيييب باه مهنة الصيدلة فوق الكل دى اللى ماكلانى عيش حاف

و بعدين الحقنة دى فنون و مدارس ايش عرفك انت

خلييك فى قوانينك انت بس

الأغاني للرأفتاني said...

وعلى النعمه اى عيل فى جبل نعسه او حجر النواتيه يعرف يدى حقن احسن منك..

الصيدله دى بس علشان حظك كان عالى ايام التنسيق والحاجات دى

Ma 3lina said...

لالالالالالالالالالالا
معلش اتا معرفش فى الصيدلية غير الحقن باه و اسال الشارع كله عنى

و اييه جبل نعسه ده

انا قلت قبل كده اقطع دراعى ان كنت فى امريكا

هوه كفر ابو طشت

حظى عالى ؟؟ لو كان عالى مكنتش دخلتها اصلا

الأغاني للرأفتاني said...

ما انتش عارفه جبل نعسه..لا حول ولا قوه الا بالله..
جيل خنافس فعلا..وعلى كده انتى بتفطرى برضه مربه وعصير وزبادى

جبل نعسه يا هانم..ده تاريخ اسكندرانى اسود..من قرن الخروب
بكره البت همس الليل تيجى تحكى لك عليه

tota said...

رأفت
ايه ده التعديلات فى القوانين حصلت امتى الواحد شكله من زمان معرفش ايه الجديد
بس بعد الاطلاع على القوانين السارية المفعول المذكوره فى القضية
نرى نحن المواطن الغلبان التمسك بقانون اللى يتلسع من الشوربة ينفخ فى الزبادى وعليه الشعب سوف يقوم بوقفة تذكارية يحمل فيها كل مواطن كوب زبادى جهينة كامل الدسم ممنوع زبادى الفواكه تحسبا للعنصرية وينفخ فيه فى ميدان عام لاثبات حسن النوايا للحكومة علشان ترحمنا من القوانين سابقة الذكر

انا عزماك على الزبادى خليها علينا المرة دى

تحياتى

الأغاني للرأفتاني said...

الدنيا بتتغير يا تـــــــــــوتا
القوانين دى من زمان بس زى ما تقولى كانت تابعه لقانون التعدليات السريه..يعنى القوانين اللى احنا ما نعرفش عنها حاجه..

وقانون اللى اتلدع م الشريه ده..والله قانون عظيم..يعنى م الاخر بيمنع الثقه حتى بين الاهل وبعضها..
كل واحد شاكك ان ابوه يروح يبلغ عنه

ومع الزبادى المفروض كل واحد يمشى باصص لورا..لانه خايف يطلطع على قفاه

همس الليل said...

سلامو عليكو
الله يرحمك يا ست فيسه على راى اللمبى
قصدى الله يرحمك يا رافت ياابنى ولا هينفعك باسبور امريكانى ولا اسرائيلى حتى لما هتيجى تزور مصر هيا امى
وهيطبق عليك قانون خلى بالك من زوزو هههههههههه
ويا ما علينا جبل نعسه دا زى ما قالك رافت المنحرف تاريخ سكندرى اسود
وهناك كلهم معاهم بكالوريوس ضرب حقن وضرب قفيان وكل حاجه بتضرب بيعرفوها ماشاء الله
وبعدين الصيدله دى يا ما علينا نظام ضرب فى الميت ههههههه
ربنا معاكى يارب

عمر said...

بما انك واصل يا رفرف ياخويا ومصاحب مدام سوسو شخصيا، ممكن تعرض عليها موهبتي الشعرية جايز تكتشفني وتزيح التراب والزفت عن جوهرة موهبتي المدفونة؟

إديها الحتة دي

حبيبي يا سكرة
يا مساء المسخرة

يا منورلي قصادي
ومضلم من ورا

يا عيني عليا

L'orientale said...

حلو أوي قانون الجري نص الجدعنة، وده بيفكرني بأمير الشعراء لما قال أن الشجاع إذا رأي خطراً يحيط به يفر ، ومع قانون حرية الرأي والرأي الآخر انت تقول رأيك انت حر وأنا برضة حقول رأيى وأنفذه... مش كفاية سمحت لك تقول رأيك...
أحلى حاجة عندنا القوانين الملزمة واللاغيه لها من خلال فتحات.... يا عم خليها على الله، إحنا عايشين بقوة الدفع الذاتي لا فارقة بقى قوانين ولا غيره.

على فكرة متشكرة لسؤالك وانا رديت عليك في مدونتي ممكن تبقى تشوف الرد.... تحياتي لك

Anonymous said...

تماما سيدي سواء سمينا الأمر بلاد العجائب أو سميناه وطن موبؤ المحتوى واحد

الأغاني للرأفتاني said...

همس الليل
خليكى انت فقرى كده وهانشوف اخرتها معاك
هم سيدى بشر كده عالم حاقده وقلبهم اسود
سألت على القهوه التجاريه..طلعت مشهوره اوى..الواحد طلع خواجه
---------------------------------

الأغاني للرأفتاني said...

عمــــــر
انا مش هاكلم لك سوسو
انت بعون الله هتقعد مع سوسو..وتسمعها اشعارك العظيمه..
قال احمد رامى قال..
احلى حاجه فى المقطع العاطفى اللى انت بعته الحته بتاعه
يا مظلم من ورا
يا سلام يا وريث
على النعمه الحته دى عاوزه بوست لواحده

الأغاني للرأفتاني said...

the emperor
ياعم ما انا مخلينا فى حالى اهو
ولا سياسه ولا حاجه
نورت المهجر
لما نروح نشوف موضوع الامبراطوريه المفقوده
------------------------------
tazart
انا سألتك على الوطن الموبوء اذا كنت انت كتبت حاجه جديده ولا لأ
انا هاجى اشوف

الأغاني للرأفتاني said...

L'orientale
الحمد لله انك بخير
وحلوه اوى موضوع الدفع الذاتى
هههههههههههههههه
على رأيك قوانين ايه وهباب ايه
هى كده مسطوره وعال

L'orientale said...

Tu peux me trouver comme (singlemumy sur yahoo), sa sera ma plaisir de te rencontre...
Et encore je te remercie, et je t’attend

الأغاني للرأفتاني said...

ok, je vous ajouterai et essayerai de vous contacter

Ma 3lina said...

فرنساوى يا رورو

je m'appelle Ma 3lina :)

الأغاني للرأفتاني said...

ما علينا
امال ايه يا بت..انت بس اللى واخده فكره غلط عنى..مفكرانى معلم م المدبح
لا
دا انا خنافس اوى..وساعات باحط جل فى شعرى

Yasmine Adel Fouad said...

رأفت بتجيب سيرة طنط أليس ليه ياواد
بنات الناس مش لعبة
ده شرف البنت زى عود القصب

_______________

بخصوص القوانيين بقى
فأنا عاجبنى قانون الموت علينا حق
انت هتكفر ياواد

هههههههههههههه

و قانون
أنا و ابن عمى
و سمعنى سلام أستاذ حافظ

Yasmine Adel Fouad said...

على فكرة فين قانون

لو لي عند الكلب حاجه قوله يا سيدى

و قانون

إدى زوبة زقة عيب ماتقولش لا

و قانون

اتلم تنتن على تنتن

و للا قانون

فوت علينا بكرة


لا دستورك ناقص يا واد
روح بقى على الحيطة وارفع ايدك

الأغاني للرأفتاني said...

انـــــاحـره
الله يمسيها بالخير الحاجه آلـيس..تابت هى دلوقت وعامله زاويه
حطى رنه قانون الموت علينا حق على تليفونك..

ماحدش عارف ايه اللى هيحصل.ممكن تمشى فى امان الله وهووووب.. تقعى فى بلاعه

الاستاذ حافظ اتجننن...سيبوه فى حاله بأه

الأغاني للرأفتاني said...

انــــا حــــــــره
التعديلات الدستوريه اللى انت اقترحتيها دى ملهاش عازه اليومين دول..

المرحله اللى بتمر بيها البلد..عاوزه يد من حديد..احنا الاعداء حولينا فى كل مكان

واروح اقول لهم ادى زوبه زقه..والنبى ده كلام

Yasmine Adel Fouad said...

ياباشا ده تمويه
طب انت قول للشباب ادى زوبة زقه
وهم هتلاقيهم ما صدقوا

اصل بعيد عنك فى حالة كساد فى البلد

هههههههههههههه

الأغاني للرأفتاني said...

يعنى زوبه ده اسم حركى؟

طاب اسم حركى لمين؟

وبعدين مين اللى هيقدر يزق اصلا..دى العيال بتتخرج من الكليه ع المعاش

Yasmine Adel Fouad said...

يا ابنى انت قولهم الموضوع فيه ستات هتلاقيهم طوابير و بصحتهم

انا عارفه هم بيحوشوا صحتهم لمين

عموما زوبة اسم حركى للتنظيم
تنظيم ايه بقى انت قول
هو انا هعرف اكتر منك

الأغاني للرأفتاني said...

تنظيم ايه الله يلعنك
انت خليته تنظيم

زوبه بأه يكون الاسم الحركى..للفرفشه والتهييييس
ايه رأيك

Yasmine Adel Fouad said...

ماهو ده التمويه ياريس
و للا عايزة فرفشه بجد ؟
و ماله لازم مزاجك يكون معدوا علشان تعرف تطربقلنا البلد يامعلم

مش بيقولوا مبروم على مبروم ما ينفعش
اه منك
أتاريك كنت عايز تنفرد بزوبه لنفسك

طول عمرك زى ما بيقول الحاج عليك

بتاع نسوان
ههههههههههههههه
بس انا عارفه اللى فيها يا حلو

الأغاني للرأفتاني said...

اولا
مبروم على مبروم ما يلفش..
احفظى بأه الدستــور..
ثانيا..ملعون ابو زوبه دى اللى انتى لبستيها لى
انا لا عاوز زوبه ولا ابله فضيله

والحاج لما طلع على الاشاعه دى ..كانت بغرض التمويه..ليس الا

Yasmine Adel Fouad said...

طيب يا باشا ماحنا فى زمن التمويه
وكل واحد بيموه على طريقته
ثم زوبه ذنبها ايه دلوقتى
انت دايما كده لما تقلب تقلب على كله
بلاها نادية خد سوسو يامعلم

الأغاني للرأفتاني said...

ســــــوسو عمــر خلاص اتكلم عليها..وانا عمرى ما ابص لحاجه فى ايد واحد صاحبى

Yasmine Adel Fouad said...

خلاص خدلك نادية و فى فوزية نطلقهالك من حنفى لو عايز

ما تبقاش رخم و كل ما اجيبلك حاجه ماترضاش تاخدها بقى

مش معقول هو انا هديك كام علقه لما تيجى مصر ده
انت كده هأجرلك فتوات علشان ياخدوا بتارى و حرقة دمى دى

عمر said...

يا سلام يا رافت .. اصيل طول عمرك والله

وعلي رأي المثل: بكرة الجمعة وبعده السبت، ويوم الاتنين نرجع الشغل تاني

الأغاني للرأفتاني said...

عمــــــــــــــــر
طبعا يامان...عيب

ايه المثل العبيط اللى انت مؤلفه ده ياوريث..احا جدا
طاب ما هو طبعاهانروح الشغل يوم الاثنين


ركز ياوريث شويه..انت بأيت تهييس

Ma 3lina said...

خنافس ايه مش سامعة؟؟

دا جيل عم عبده ده لسه عارفو قريب

و بعدين انا الحمدينك بدل المناظر

انا كان نفسى ابقى
stylist
من زمان

هعملك
fanky look
جامد مووت و سوسو و بقية الشلة كلهم هيترمو عليك

انت حبة جيل
freeze
مع باجى او بنطلون ديرتى واقع كده
و استمواك كمان

و مش هتعرف نفسك و احتمال تعمل سبايكى كمان

طبعا مع بعض العمليات علشان التشوه قصدى الدفوهات
و احتمال تتطلع فى star maker
الموسم الجاى


يالا اى خدمة

الأغاني للرأفتاني said...

ما علينا
على النعمه ما فهمت ولا كلمه من اللى انت قولتيه
الحاجات اللى بالانجليزى بس هى اللى انا فهمتها
الظاهر انك بهيسى علشان اختى دوا صراصير بالغلط..
ما هو ده عيب الشغل فى الصيدليه

Ma 3lina said...

لسه راجعة بعد شيفت 11 ساعة اكيد لازم ابقى كده

الأغاني للرأفتاني said...

الكوبـــــــرا
الست ما علينا مفكره نفسها دكتوره بجد..
انا بأقولها الصيادله عاملين زى البقالين..بس برضه مش مقتنعه ونازله تدى حقن للناس

ROMIL said...

أدم المصري

ايه القوانين دي يا عم الحج

بس بصراحة استنيتك تقول
قانون البقاء للوطني
قانون اللى يختشي من بنت عمه ماينجحش في انتخابات
وقوانين كتير بتحكمنا بس مش حاسين بيها

تحياتي

ROMIL

الأغاني للرأفتاني said...

رومـــــــــيل
قانون البقاء للوطنى ده قانون قديم اوى..يا سلام على افكارك القاتله..
القانون ده كان ايام زمان اسمه
انا والوطنى ومن بعدى الطوفان

وعلى رأيك يا مان

فى مليون قانون احنا مش عارفينه
دا انت لو قريت الدستور بتاعنا ..هتلاقى حاجات غريبه

Anonymous said...

خبر ظريف

LONDON (AP) — Mutations in the bird flu virus have been found in two people in Egypt, in a form that might be resistant to the medication most commonly used to treat the deadly disease, according to laboratory tests approved by WHO.

ألف نهار أبيض يا جدعان، بعون الله حنجيب ضرفها

الأغاني للرأفتاني said...

الله ينتقم منك يا وريث
هو ده الخبر الظريف
هو ظريف ومش ظريف
حتى فى المرض برده محظوظين
عليه العوض ومنه العوض

Ma 3lina said...

عمر للبيع:

اولا مفروض الفيروس ده بينتشر فى الصيف لان الحر ارة العالية بتخليه
active

بس الجديد با انه زى يونيفرسال شغاال على طول سخن و ساقع

كمان كل امصال الانفلونزا اللى فى الصيدليات اللى ب 32 جنيهيا
كلها فشنكككككك

الأغاني للرأفتاني said...

ماعليــــنا
العمليه مش علميه امصال وخلافه
العمليه عمليه نحس للشعب الغلبان

وعلى راى المثل ..قليل البخت يلاقى العظم فى الكرشه

Anonymous said...

هو مين آدم المصري دة؟

ما علينا: يا سلام، العلم نور برده.. يعني حنتشرد كلنا يعني ولا ايه بالظبط؟

الأغاني للرأفتاني said...

عمـــــــر
احنانشترى الدوا بتاعنا من هناا يا مان

انا ما عرفش آدم المصرى مين

Ma 3lina said...

لا مش نحس ده جهل معلش

لما يرموا الفراخ الميتة فى الشارع و فى الترع و النيل او يخبوا الفراخ علشان خايفين الحكومة تخدهم منهم

و لمل الحكومة مش تعوض الناس الغلابة دى عن الخسارة

ميبقاش نحس

يبقى زبى الله و نعك الوكيل

عمر said...

دة روميل اللي بيقول

الأغاني للرأفتاني said...

ما انا عارف
انا لقيته كاتب ادم المصرى
بس مش عارف هو كان قصده مين

عمر said...

ما علينا: ابقي بصي علي الكيبورد وانتي بتكتبي وحياتك وكفاية ضرب كيميا الله يخليكي

وهيييييييييييييييييييه

الأغاني للرأفتاني said...

ماعلينا
اتهيأ لى انتى نسيتى حرف الحاء فى كلمه
حسبى الله
ولا انت ايه رأيك؟؟؟؟

Ma 3lina said...

روميل اختلط عليه ادم المصرى بالمهاجلر المصرى

بشاير انفلونزا الطيور

ههههه

عمر said...

يا عم ما علينا قاعدة في الصيدلية طول النهار ودماغها لفت من كتر الكيماوي اللي بتشمه

الأغاني للرأفتاني said...

والله يا عمــر
اوسخ دماغ ..دماغ الكيمياء ده
الله يكون فى عونها
قاعده تشم دوا طول النهار

Ma 3lina said...

براااااحة عليا باه انتم حتشدوا حيلكم عليا علشان باه عندنا انفلونزا و لا ايه

و بعدين انا لسه متعلمة الكتابة بالعربى على الكىبورد قريب

مبقتش بروفيشنال لسه زى سيادتكم

واد يا عمر سايب اكل عيشك و عربية السوبيا ليه قوم يالا بلاش لكاعة

عمر said...

انا بفضل الكلة

لو عندك محل بويا جنب الصيدلية يا ما علينا ابقي اعملي اكستشنج كل يوم علبة كلة قصاد شريط صراصير.. واهو كله لخير المجتمع

الأغاني للرأفتاني said...

بروفيشنال فى العربى
هههههههههههههههه
الله يكرم اصلك

Ma 3lina said...

مالها الكميا باه دى المظبطة الشعب

نص الشعب ادوية و النص التانى دماغ عالية

و الكيمى كيمى كااااا

عمر said...

انا بطلت السوبيا وشغال في الهوت دوج... انا برده بتاع السوبيا والحاجات البيئة دي؟

الأغاني للرأفتاني said...

خليكى بيع دواء وتوسيفان للسواقين
ومنك لله انت المسؤله عن كل حوادث المرور فى مصر

Ma 3lina said...

ماشى يا عمر علشان انت بس طيب مش زى ناس كده

كل اللى انت عاوزه كلة مش كلة

و الخبر الجديد الصيدلية جاابت ادوية الجدول تانى مخدرات

يعنى احلى دمااغ كل شهر

عمر said...

يا عم الله يكون في عونها ما علينا متعددة الأنشطة

انا رأيي انك تركزي في الكيف واهي برده حكاية الحقن ممكن تنفعك في الشغلانة دي

الأغاني للرأفتاني said...

يا عم الحاج ما بتعرفش هى تدى حقن خالص
دى اشاعات..
والله ممكن يقطعوها فى المنطقه اللى هيى فيها لو عطت حقنه غلط

Ma 3lina said...

نعم نعم يا سي عمر
انا اللى موزعة الشغل من زمان و لما اقول سوبيا يبقى سوبيا

و بعدين قهوة الحاج رورو تبيع سجق و الكلا م ده

دى قهوة
oriental

كلها حاجات من عبق التاريخ الشعبى المصرى

مش شايف صاحبها رورو بن خفرع

عمر said...

ما علينا: ايه طيب دي؟ انا يا بنتي خلاصة الشر في المجتمع

Ma 3lina said...

قصدى يعنى بالمقارنة لى رافت يبقى انت ملاك بجناحات و رفارف كمان

فهمت يا عمورة

الأغاني للرأفتاني said...

ليه يا ام لسان طويل
هو رأفت ده شيطان
ادى اخره اللعب مع العيال

الأغاني للرأفتاني said...

وايه حكايه
رورو وعموره دى
ما تيجى تشربى معانا معسل احسن

Ma 3lina said...

معسل علشان جو الاورينتال بتاع القهوة

بس انا عاوزة شيشة برتقال علشان فيتامين سى

عارف الصيادلة بيحافظو على صحتهم برده

الأغاني للرأفتاني said...

عليه العوض ومنه العوض

انحلت سيور العربه وسقط المهر من الاعياء said...

الله يا عم رافت

جه الزمن اللى ابقى فى ذيل القا ئمه


ما علينا
مش انتى يا دكتره
المهم يا ريس
المثل بتا ع اللى على راسه بطحه شيله عشا ن انا دماغى مهريه تعوير
ههههههههههه

ودا من جدعنت شعب الاسكندريه
العريق
ولا من اخلاقك كزعيم انك تشهر بيه

الأغاني للرأفتاني said...

يا جحيم
معلش..انت جيت متأخر
والمثل بتاع اللى على راسه بطحه..انت فهمت اهوووه
فى قانون تانى برضه...اسمه الكلام ليكى يا جاره
(وش واحد بيغمز بعنيه الاثنين)

عمر said...

والله واتشهرت يا عمر واسمك نزل في فقرة "أحا جدا"... يادي الهنا اللي انا فيه

الأغاني للرأفتاني said...

طبعا يا وريث
العمود كله علشانك
وانا عندى اغلى منك

Ma 3lina said...

سمعت اسمى ؟؟؟

حد بينادى ؟؟

عمر said...

يا سلام يا رأفت يا صديقي.. فعلا الصاحب مالوش عند صحبه غير شخرة وكيف وشهادة زور

مانتحرمش من شخراتك

عمر said...

ما علينا: انتي لسة صاحية بتدي حقن الساعة دي؟

الأغاني للرأفتاني said...

يا عمر
انت لخبط المثل خالص
بس انا عارف انك لخبطه علشان الرقابه
امان يا مان

عمر said...

وبعدين انا تقوليلي بجناحات ورفارف؟

والله انت باين عليكي بوجيهات مخك ضربت

عمر said...

تحنعمل ايه بس يا ريس المملكة هنا فيها ولاية برضه

وبعدين طالما انت عارف المثل يبقي فل عليك

Ma 3lina said...

لا بكره اجازتى

الأغاني للرأفتاني said...

ما علينا سهرانه
وهيضربوها فى المدرسه بكره

Ma 3lina said...

البوجيهات ضربت و غيرتها و ضربت تانى فكبرت باه

بقولك ايه انزل بكام كوباية سوبيا للناس اللى هما علشان البرد

عمر said...

يا بنتي ما قلنا بطلنا السوبيا والحاجات الأوريونتال دي

تاخدي دكتور بيبر؟ (دة بمناسبة الصيدلة)

الأغاني للرأفتاني said...

روحى يا معلينا نامى
علشان انا وعمك عمـــر
عاوزين نتكلم فى موضوع جد

Ma 3lina said...

و انا كمان عاوزة اتكلم معاكم

و بعدين عموورة مش كبير اوى كده متكبرهوش

بقولك جيبلنا انت السوبيا مش قهوتك

عمر said...

لأ طالما العملية فيها عمورة بأة يبقي اجري يا واد يا رأفت هاتلنا سوبيا

انا اعصابي ضعيفة أبيعك في أول محطة

الأغاني للرأفتاني said...

الله يلعنك يا وريث
بانا كاتبك فى عمود احه جدا وانت تبعنى علشان
عمووووره

عمر said...

مش بيقولوا قعدة الراجل بميت ست يا زعيم؟

عمر said...

مش عارف ليه كل الأمثال الشعبية المنحرفة حاضرة في ذهني الساعادي

تفتكر عندي مراقهة متأخرة يا زعيم؟

الأغاني للرأفتاني said...

عيبك يا وريث
انك عارف كل القواعد والقوانين
عندك حق
ماشى يامان
حاجه تانيه غير السوبيا

عمر said...

يا ريت بس لو توطي الراديو شوية علشان مش طالبة دوشة

علاء السادس عشر said...

عزيزى رأفت
هل سمعت فى أى مكان فى العالم عن قانون العيب فهذا مثلاً أختراع مصرى أصيل ,هل سمعت عن حزمة قوانين ضد ما يعرف بجريمة الأساءة لسمعة مصر ,عزيزى رأفت شر البلية ما يضحك ولكننا تعدينا حتى هذه المرحلة.
شكراً على سؤالك الدائم وحفاظك على التواصل باستمرار,العمل هو السبب فى قلة كتابتى
تحياتى

Anonymous said...

إزيك يا ملك ؟ وحشتني يا راجل قلت اما اجي اشوف العظمة واسلم .... قوانين قوانين ... تعالى شوف اللي عندي وبعدين نتكلم عن القوانين
:)
مستنيك يا سكر
http://enbee-world.blogspot.com/

HANY said...

حبيب قلبى

نسيت انت قانون امك سوزان
وحسب هذا القانون , ينبغى على كل مواطن ان يردد " ماما سوزان " 4000 مره قبل الاكل وبعده , عشان يشعر بنعمتها عليه وعلى اللى خلفوه

وتقبل تحياتى وتقدير

Memo said...

جميل البوست رغم اني جيت بعد فتح عكه بس ظريف و التليقات كمان لذيذه قوي
ادام قربت تنزل انا بقول تغير شويه قوانين موئقتا بس عشان تعدي النزوله على خير
تحياتشي

عمر said...

رأفت مش هنا يا منال.. اخد اجازة من الشغل وقاعد في الجنينة اللي ورا بيتهم يعمل كور تلج ويحدفها عالناس اللي ماشية في الشارع

طبعا انتي عمرك ما عملتي كدة علشان انتي من العالم التالت.. يا حرام عشتي طفولة محرومة فعلا

Ma 3lina said...

منولتى :

ايه احم دى دا بيتك و مطرحك خشى بس برجلك اليمين و يكون معاكى حاجة ناكلها دى الشروط

انا قلت انده عليكى بس قلنا امتحانات بقه و مش عايزين نعطلك بس اهوه خاتى الاجازة و هنجيبك معانا مع انك لسه صغيرة :p


عرفتى منين انى بنده على فاار قصدى على رافت لا يا منال مش فار دا مش مقامو ممكن يبقى سلحفاة مش اشيك برده


عمر:

رورو بيلعب بالتلج
ده بقى خنافس خالص اتعدى منى هههههههه

الزعيـمة said...

اكيد الموضوع دا لة جزء تانى يا رافتانى
لان فية قوانين اخري زي

قانون عيش جبان تموت مستور*
ودا قانون ينظم سلوك تحالف
قوي الشعب العامل


قانون ان كبر ابنك خد الفى ايديه*

ودا شعار الحكومة فى التعامل مع الشعب
وعشان كدا موفرين لنا خدمات المحمول السارقة جيوب المواطنين ونظام فلوس النظافة على فواتير الكهرباء وكدا يعني



قانون ان كان لك عند الدوجي حاجة *
قولة يا سيد الكل

ودا البيضطر لية كل المواطنين فى حالة احتياجهم بكل اسف للدخول لاى مصلحة حكومية ولازم يفتح عينة ويكون نبية وياخد بالة من الدرج المفتوح والتعريفة المحسوبة للاكرامية والحلاوة وشايك عندي النهارده


لسة فية كتير وعايزينك تعملنا
جزء تانى باه

ارق تحياتي لك

الأغاني للرأفتاني said...

علاء
والله واحشنى يا مان..انا كنت عارف ان الشغل اللعين هو اللى حارمنا منك
ربنا يوفقك
سعيد انك بخير
----------------------------------------------------------------------
على ضوء القــمر
فينك يا عم الحاج
انت ما بتظهرش غير لما تخرب؟؟؟؟؟
انا ملطوع عندك كل يوم..مفيش غير الهنود اللى واكلين عقلك
انا جاى اهووووه
----------------------------------------------------------------------
هــــــــــــــــانى
ازيك يا هوووون
خليك انت معلق مع ماما سوزان
كل واحد ودماغه
---------------------------------------------------------------------
ميــــــمو
ايه الصوره الجميله دى؟؟؟؟؟
يا حلاوه يا ولاد
----------------------------------------------------------------------

الأغاني للرأفتاني said...

الزعيــــــــمه
يا سلام على دماغك النيره
والله قوانينك الجديده دى عجبتنى اوى
دماغك برده متكلفه..
انتى فين من فتره؟
امتحانات برده

الأغاني للرأفتاني said...

عمـــــــر...منــال...ما علينـــا
حسبى الله فيكم...ربنا ينتقم منك ويريبنى فيكم يوم يا قادر ياكريم

Ma 3lina said...

الحقوا رورو كشف راسو و بيدعى علينا فى الايام المفترجة دى

عمر said...

ليه كدة يا رورو؟

الزعيـمة said...

لا امتحانات اية
ما اتخرجنا وخلصنا هي شغلانة

انا بس مخنوقة شويتين ومحبطة
وكتبت بوست النهارده راح
النت فصل وضاع فاتعكننت زياده

Yasmine Adel Fouad said...

كتبت اسمك فى التاج عندى
ابقى خد الاسئله بقى غصب و جاوبها

Anonymous said...

أيوة يا حج

omarincambridge@yahoo.com

ابعتلي العنوان

عمر

واحـــد مـــــن الـنـــاس said...

انا جاي بعد ما الليلة تخلص
120
تعليق يا رأفت

يا بختتتتتتتك
انا مش بحسد
ولا بقر عليك

انا بنق بس

اللي اداك يدينا يا سييييييييييييييدي

الأغاني للرأفتاني said...

سمسم
ههههههههه..ربنا يبارك له..ماكلنا فى الهجره سوى..
يعنى هى جات على دى..والله كنت ناوى نفضها سيره ونولع فى البلوج من اساسه..
المهم انك تمام
-----------------------------------
ايبى
ايه اخبارك..الامتحانات والحاجات العبيطه دى
ربنا يوفقك
-----------------------------------
واحد من الناس
امال لو مش جاى تنق ..جاى تعمل ايه يامان
لو عاوز التعليقات خدها والله ما تغلى عيلك..يعنى انت جيت فى جمل
---------------------------------
انا حره
انا مش فاهم التاج ده ظروفه ايه..بس هاسل وافهم ان شاء الله
---------------------------------
الزعيمه
سلامتك من الزهق
ما انتى اللى شاغله نفسك